الثلاثاء، 28 يوليو 2009

أمثلة صحيحة.....وواضحة وصريحة!!!



نوم الظالم عبادة
يقال هذا المثل على الشخص الظالم المستبد حيث أنه في نومه راحة له من إرتكاب الذنوب وخير لغيره وراحة من ظلمه واستبداده وهذا في حد ذاته عبادة

من قال لها جوزها يا عورة لعبت بها الناس الكورة
ويقال هذا المثل عن الزوجة التي يهينها زوجها فإهانته لها يفقدها إحترام الناس لها و يستهترون بها فلابد أن يتعامل الرجل مع زوجته بالحكمة والموعظة الحسنة حتى لو أخطأت في شيء ما

لو كان فيه خير ما رماه الطير
يقال هذا المثل للذي يريد أن يأخذ شيئاً تركه انسان قبله فالشئ المتروك لا خير فيه ولذا استغنى عنه صاحبه

يموت الزمار وصوابعه بتلعب
يقال هذا المثل على الشخص الذي تعود على عمل شئ معين في حياته ولا يستطيع التوقف ولا الإستغناء عنه حتى لو بلغ منه المشيب مبلغه كالزمار الذي تظل أصابعه تلعب على المزمار حتى يموت

رجعت ريما لعادتها القديمة
ويطلق هذا المثل على الشخص الذي كان يمارس عادة وتركها ثم عاد لها مرة أخرى

الضرب في الميت حرام
يقال هذا المثل عن الشخص الذي لا يوجد لديه إحساس ومهما تكلمت معه ونصحته لا يستجيب لك فمثله كالشئ الميت عندما تضربه وتعذبه لا يشعر بك ولا يحس

المتعوس متعوس لو حطوا على راسه فنوس
يقال هذا المثل دائما للشخص سيئ الحظ مهما توفرت له الامكانيات

أنا وأخويا على ابن عمي وأنا وابن عمي على الغريب
يشير هذا المثل على أن الأقربون هم أولى بالمعروف والمحبة فالأقرب ثم الأقرب فأنا أقف بجوار أخي ضد ابن عمي واقف مع ابن عمي ضد الشخص الغريب

اللي بياكل على ضرسه بينفع نفسه
يقال هذا المثل للشخص الذي يرفض الطعام ويضرب عنه فعندما نريد أن ننصحه نقول له أنه اذا اكل لن ينفع أحد سوى نفسه

اللي متحبش تشوف وشه يجي يوم وتتمنى تشوف قفاه
يشير هذا المثل على أنه لا يجب النفور من الناس لانه من المحتمل أن تحتاج لأي شخص مهما كان فلا بد معاملة الناس معاملة حسنة لربما تتمنى منهم أي مساعدة بعد ذلك

الشايب لما يدلع يبقى زي الباب المخلع
يشير هذا المثل على أن كل شخص لابد أن يتعامل وتكون تصرفاته على حسب عمره وفي حدود المنطق والمعقول فلا نجد مثلا رجل عجوز يلبس ملابس شاب لأن ذلك سوف يقلل من شانه ويجعله مسخرة الاخرين

اللي معاه قرش محيره يجيب حمام ويطيره
يقال هذا المثل على الشخص الذي يمتلك مالا كثيرا ويقوم بتبذيره يمينا وشمالا دون وعي لما يفعله

اكفي القدرة على فمها تطلع البت لامها
يشير هذا المثل دائما الى أن أي فتاه لابد أن تشبه امها وتتطبع بطباعها فالفتاة الصالحة دائما يكون صلاحها نابعا من تربية امها الحسنة لها والعكس صحيح

جابوا الجردل وقلبوه طلع سي السيد لأبوه
يقال هذا المثل على الشخص المستبد في قراراته ويشبه ابيه في تصرفاته

ماتعرفش قيمة أمك غير لما تشوف مرات أبوك
يشير هذا المثل الى قيمة الأم والى أننا لابد أن نحسن معملتها ويقال هذا المثل الى الشخص الذي يسئ معاملة والدته فلن يعرف قيمتها الا اذا رحلت عنه وجاءت له زوجة أب اخرى

اللي متعرفش ترقص تقول الارض عوجة
يقال هذا المثل للشخص العويل الذي لا يستطيع عمل أي انجاز ولا عمل ودائما يشتكي ويتحجج بسوء الظروف

الشاطرة تغزل برجل حمار
يشير هذا المثل الى الانسان المجتهد والذي لديه اصرار على القيام بعمل معين مهما كانت الظروف والامكانيات

على قد لحافك مد رجليك
يعتبر هذا المثل بمثابة نصيحة لكل انسان لكي يتصرف ويعيش حياته في حدود امكانياته ويشير اكثر للسيدات المبذرات اللاتي لا يشعرن بظروف ازوجهن

يا داخل بين البصلة وقشرتها ما ينوبك الا حرقتها
يقال هذا المثل للشخص الذي دائما وابدا يتدخل في ما لا يعنيه فيلقى ما يؤذيه

القرعة تتباهى بشعر بنت خالتها
يقال هذا المثل للشخص الفاشل الذي يتباهى بانجازات من حوله ولا نرى منه أي انجاز يخصه

حاميها حراميها
يشير هذا المثل إلى أن من يقومون على حماية شئون الناس والمحافظة عليها هم من يسرقونهم ويبتذونهم

اذا كان حبيبك عسل ماتلحسوش كله
يقال هذا المثل للشخص الذي يتسع في مفهوم العشم والحب في الله حتى تجاوز العرف والعقل والمنطق

نصيبك يصيبك
يقال هذا المثل على الشخص الذي يقنت من رحمة الله ويتعجل على رزقه او الشخص الذي يعترض على قضاء الله فكل انسان ولابد أن يرى ما قدره الله له

اللي بيته من قزاز ما يحدفش الناس بالطوب
يقال هذا المثل على الشخص المليئ بالعيوب ويقوم بمعايرة الاخرين على عيوبهم

هناك 59 تعليقًا:

Che يقول...

شويه امثله جامده ... يا ريت نعملى بوست تانى عن باقى الامثله و انا مستعد بامدادك بشويه منهم
على فكره احنا بنجمع مدونين عشان ننزل بوست مشترك بكره لو مهتمه عرفينى عشان ابلغك التفاصيل
تحياتى

حياتى نغم يقول...

السلام عليكم / أمثلة جميلة يا زهور ومعاكى فى تفسيراتك الواضحه والصريحه .
بس عندى تحفظ فى تعليقين لأنهم يخالفو تعاليم ديننا الحنيف اسمحيلى بالتوضيح .

المتعوس متعوس ...
لأن القدر بيد الله والله خلق الانسان قادر على جعل حياته أفضل والتعاسة ليست من شيمنا والله قد نهانا عن اليأس .

الضرب فى الميت ...
كل انسان وله مدخل وله وقت ممكن يرجع فيه لربنا لو مكتوب له الهدايه واليأس من الناس مش مطلوب أبداً .

تحياتى لكِ زهور .

حياتى نغم يقول...

لو تحبى أساعدك فى جعل التعليقات أسهل
ادخلى على اعدادات التعليقات واختارى للتعليقات اختيار ( صفحه كامله ) ولتأكيد الكلمه اختارى ( أبداً ) .
بالتوفيق .

زهور الامل يقول...

che

ازيك يا عمرو انا متشكرة على رايك والله كنت خايفة الامثلة دي متعجبش الناس او تفسيري لها بس انا فسرتها زي ما انا فاهماها لاني بعشق الامثلة الشعبية وبستخدمها كتير في حياتي اليومية ومعظم الناس تقريبا كدة وهحاول ان شاء الله اكتب باقي الامثلة اذا قدرت

واه طبعا أنا مهتمة ان المدونين يعملوا بوست مشترك وهكون سعيدة جدا

منورني دايما

زهور الامل يقول...

حياتي نغم

والله انتي اللي جميلة
وانا معاكي في تحفظك على المثلين دول لاني انا كمان متحفظة عليهم بس انا قصدي اقول الامثلة المتدواولة بين الناس في حياتهم اليومية وبالنسبة للمثل الضرب في الميت حرام الناس بتفسره تفسير تاني اننا لا نأتي على الشخص المطحون يعني ملاقيش واحد فقير مثلا وغلبان وتعبان في حياته واظلمه واقسو عليه
وكمان في حاجات كتير اوي في حياتنا غلط وبتخالف تعاليم الدين ومنها يدي الحلق للي بلا ودان
لا بيرحم ولا بيسيب رحمة ربنا تنزل
لا حول الله
وكثير من الاقوال الناس بترددها دون وعي

بالناسبة للتعليقات أنا متشكرة اوي على افادتك ليا وهحاول اعملها ان شاء الله

مرورك اسعدني وافادني جدا

وردة يقول...

اجتهاد مميز في جمع الامثال
ربنا يكرمك
اكيد حياتنا مش بتخلو منها
وساعات لا نلتفت لمعنها وبتكون مجرد عادة في كلامنا
اشكرك علي مجهودك وفي انتظار المزيد
سلام

هيفاء عبده يقول...

مجهود جميل يازهور وافكارك حلوة
وامثله بالفعل متداوله كثيرا بين الناس
والاجمل شرحك الرائع
دمت رائعه زهرتنا :)

Hadota ... حدوتة يقول...

حبة امثال انما ايه
فى الصميم


تسلم ايدك
:)

الحــ ــزين يقول...

الحــ ــزين

أنتى وردة ولستى أوراقها


دومتى مبدعة

الحــ ــزين

صدفة جميلة يقول...

السلام عليكم
مستنى الجديد بس امثله جديده لانج اوك
برافو بس ممكن سؤال انتى كام سنه

المتبهـدلـون فـي الأرض يقول...

على رأي المثل : اللي بتكسف من مدونة صاحبة .. ما يكتبش فيها تعلييق

Rosie يقول...

ايه ده يا ربى..قاومس امثلة..هى الامثال فعلا حاجة لطيفة بس مشكلتها ان فى حاجات فيها بتبقى غلط..يعنى مثلا يدى الحلق للى بلا ودان..دى غلط خالص لأن فىها اعتراض على رزق ربنا..عامة حلوة التجميعة دى..

هيثــم رمضـــان يقول...

جميلة جداً جداً يا زهور أمثال جميلة تحمل الكثير من الحكمة والعقل بشكرك عليها جداً. وعلي فكرة أنا بحب موضوع الامثال ده قوي وفكرت من زمااااان إني أجمع أكبر عدد ممكن من الأمثال الشعبية الجميلة لكن ماكملتش الموضوع ده. بجد بوست جميل أهنيكِ عليه

هيثــم رمضـــان يقول...
أزال المؤلف هذا التعليق.
فراشة يقول...

الامثلة جامدة من الآخر
موضوع متميز وبصراحه كان فى امثله ما كنتش عارفها تتقال امتى كده عرفتها

تحياتى لكى زهرة الزهور

سمكه واحده يقول...

اذيك يا زهور اخبراتك ايه؟
والله بجد وحشتيني مش مجامله يعني
بالنسبه للبوست
شويه امثال تحفه وعجبتني جدا
وفي مثل بقالي كام يوم اقعد ارخم علي الللي في البيت عندي واقوله مش فاكره سمعته فين ومن يومها وهو لبانه في بوقي
قليل البخت يعضه الكلب في الولد
هههههههه واخده بالك يعني الكلب يسيب الناس كلها والزحمه ويعضه هو طب مهو المولد مليان ناس كتير بس هو بقي حظه كده
جدتي بقي عندها شويه امثال انما ايه مقولكيش حاجه كده من بلاد بره اخر ابهه
(وش مبتسم)
تحياتي ياقمر

ضحكات الحياة يقول...

السلام عليكم

البوست جميل و أول مرة أشوف حاجة زيه

طبعا ده غير الأمثال اللى موجوده فيه

و اللى انا شفت شوية منها فى ورق الكلية
ههههههههههههههههههههه

و أجتهاد حلو فى تفسير الأمثلةو تفسير مفيش أبسط منه

و على رأى المثل لو مشيت حافى ممكن يدخل فى رجلك مسمار

زهور الامل يقول...

وردة

ازيك يا اجمل وردة
انا حاولت اكتب الامثلة دي علشان الشغل الجديد بتاعي كل اللي فيه ناس من دور والدي ووالدتي وبقعد بقى اليومين دول مع ستات اكبر من والدتي كمان هناك وبنفتح برنامج المراة اليومي واجارك الله بقى من الستات لما يجتمعوا بسمع منهم احلى كلام واحلى امثال
اشكرك جدا على زيارتك اللي بتسعدني

تحياتي

زهور الامل يقول...

هيفاء عبده

ازيك يا هيفاء انتي وحشاني جدا على فكرة ووحشاني كلماتك الرائعة اللي بتسعدني جدا لما بقراها

الله يخليكي على كلامك الجميل وانا شرحت الامثلة دي زي ما فهمتها ويارب اكون فاهماها صح

منوراني يا قمر

زهور الامل يقول...

حدوتة....Hadota

متشكرة جدا يا حدوتة على زيارتك الجميلة وعلى رايك وانك اول مرة تنورني بالزيارة

تحياتي

زهور الامل يقول...

الحزين

بجد انا بشكرك اوي وانت اللي اجمل وردة والله

متشكرة اوي على تشريفك ليا

تحياتي

زهور الامل يقول...

صدفة جميلة

ازيك يا اجمل صدفة ياللي خير من الف ميعاد

ان شاء الله هيكون فيه جديد بس بشكل مختلف بس ادعيلي ربنا يوفقني

بالنسبة لسني بقى
هو بما انه لا يجوز ان يسال رجل امراة على سنها بس ولا يهمك انا هقولك وانت خمنه لواحدك
انا يا سيدي متخرجة من ست سنين ولسالي 3 سنين واخد لقب العنوسة من الدرجة الاولى مع مرتبة الشرف.....عروستي ههههههههههههه

منورني ديما يا صدفة
تحياتي

زهور الامل يقول...

المتبهدلون في الارض

اهلا اهلا اهلا يا اخف دم شوفته في حياتي
بجد سعيدة جدا انك شرفتني بزيارتك ليا ولو مكنتش جيت كنت هتاخد مخالفة وغرامة كمان

وعلى راي المثل اجري يا ابن ادم جري الوحوش وان كبر ابنك خاويه

على فكرة انا اسفة جدا ان تعليقك على البوست اللي فات مظهرش انا كان عندي مشكلة في التعليقات وانا كمان مكنتش بعرف ارد على التعليقات الموجودة عندي بس انا ربنا وفقني بمساعدة الصديقة حياتي نغم وقدرت اظبطه

منورني جدا وسعيده لوجودك

تحياتي

زهور الامل يقول...

Rosei

روزي الجميلة ميرسي يا قمر على رايك انا كتب في الامثلة الشعبية علشان بحبها جدا ومن ايام الكلية وانا كنت احب اجمعها وكمان ماما استاذة في اطلاق الامثال فبتعلم منها طول النهار
وانا معاكي ان في امثلة واقوال كتير غلط في حياتنا ومحرمة شرعا ربنا يعافينا منها لان دخول الانسان في الاسلام بكلمة وخروجه منه برضو بكلمة

منوراني يا قمر

زهور الامل يقول...

هيثم رمضان

ازيك يا استاذ هيثم

بس والله انت اللي انسان جميل مش الامثلة
وانا كمان بحب الامثلة جدا ويمكن مدمناها
طول الوقت في البيت اي موقف يحصل اكتفي بان اطلق مثل شعبي فقط دون التحدث بشء بعد كدة

بالنسبة للبوست اللي حضرتك كنت عايز تعمله عن الامثلة يا سيدي اعتبر نفسك عملته ونشرته كمان ما انا برضو اعتبر زي اختك الصغيرة

منورني وبيسعدني تعليقك جدا

زهور الامل يقول...

فراشة

ازيك يا فراشتي الجميلة
وانت اللي جامد يا قمر وعسل وسكر كمان
وانا مبسوطة اني السبب في انك عرفتي امثلة مكنتيش عارفاها وبعدين هو انتي لسة شوفتي حاجة يا قمر ده انا هغرقوا امثلة شعبية

منوراني وبيسعدني وجودك دايما

زهور الامل يقول...

سمكة واحدة

ازيك يا اجمل سمكة في بحر اسكندرية انتي والله اللي وحشاني جدا جدا وببقى سعيدة جدا بوجودك
وانا الحمدلله يا قمر الى حد ما كويسة ربنا يديمها علينا نعمة

بالنسبة بقى للمثل اللي بتقعدي ترخمي بيه عليهم في البيت فماما بتقوله بطريقة تانية وهو
قليل البخت بيلاقي العضم في الفشة
هههههههههه اصلها مدمنة فشة وانا بكرهها جدا فعلشان تغيظني تقول المثل ده
واكيد طبعا جدتك هيكون عندها امثال ولا كلمة لان الناس القدام دول هما الخير والبركة وبرغم التقدم والتكنولوجيا لسة برضو بنستمد منهم خبراتنا وحاجات كتير جميلة واصيلة ربنا يباركلكم في عمرها

منوراني جدااااااااا
تحياتي ليكي يا قمر

زهور الامل يقول...

ضحكات الحياة

ازيك يا باشا ياللي لما بشوف اسمك بيدب فيا التفاؤل علطول

والله انت اللي جميل علشان كدة شايف الدنيا جميلة
وطبعا انت اول مرة تشوف حاجة زي كدة ودائما وابدا هنا هتجد كل ما هو جديد وفريد ههههههههه ما هو طبعا لسنا الوحيدون ولكننا المختلفون هههههه
وعلى راي المثل
اجري يا ابن ادم جري الوحوش يا تلحق الميكروباص يا متلحقوش

منورني جداا

المعلم محمد صاحب المطعم - طعمية سخنة يقول...

و قالوا الباب اللي يجيلك من الريح ولا عاوز عسل منك
و يقال لما الموضوع يبقي عن الامثال و التراث بتاعنا

بتفكريني بزينات صدقي كانت كل فيلم تقول مثل او 2

جارة القمر يقول...

أمثلة تحفة حبيبتي

عجبتني كتير

بتحمل معاني صحيحة والله

يسلمووووو ايديكي ياجميلة

وحنتواصل انشاءالله

مودتي

انت تسال والكمبيوتر يجيب يقول...

ندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

حياتى نغم يقول...

السلام عليكم / التعليقات كده أجمل مبروك يا زهوره .

ابو صهيب ( الجمعاوي الاصيل)سابقاً يقول...

امثلة جامده بصراحة

واحلى ما في الموضوع والجديد

التفاسير بتعاتها

ومصاريين البطن بتتعارك

زهور الامل يقول...

المعلم محمد صاحب المطعم _ طعمية سخنة

أولا فين الطعمياية اللي أنا وصيت شريكة في المطعم تجيبهالي أو تبعتهالي

بقى انا بفكرك بزينات صدقي ههههههههه ماااااااااااشي على العموم لبس البوصة تبقى عروسة وانت منورني جدا وشرفتني بالزيارة

تحياتي

زهور الامل يقول...

جارة القمر

ازيك يا قمر والله انتي وحشاني جدا

ومتشكرة اوي على رايك الجميل
ودايما منوراني ورافعة من معنوياتي

ربنا يكرمك ويحفظك ويسعدك يارب

تحياتي

زهور الامل يقول...

انت تسال والكمبيوتر يجيب

حاضر ان شاء الله نلبي دعواتكم عن قريب ان شاء الله

تحياتي

زهور الامل يقول...

حياتي نغم

وعليكم السلام
الله يبارك فيكي يا قمر انا متشكرة اوي والبركة في ربنا ثم فيكي

منوراني جدا

زهور الامل يقول...

ابو صهيب (الجمعاوي الاصيل) سابقا

اهلا اهلا يا ابو صهيب
والله يا عم انت اللي جامد وزي السكر

ويارب يكون تفسيري للامثلة صحيح ويكون مفهوم

اذا قولنلها اطبخي تقول مريضة واذا قولنالها تعالي كلي تقول فين معلكتي العريضة

منورني وسعيدة بتشريفك ليا

تحياتي

سندريلا يقول...

السلام عليكم بجد امثله حلوه وتفسيرها كمان انا عجبنى المثل ده اوى(نصيبك يصيبك
يقال هذا المثل على الشخص الذي يقنت من رحمة الله ويتعجل على رزقه او الشخص الذي يعترض على قضاء الله فكل انسان ولابد أن يرى ما قدره الله له)

ودايما يارب فى تقدم واتمنالك الخير


تحياتى لكى / سندريلا

ذو الوجه المبتسم يقول...

السلام عليكم

حلوة الامثلة كتير

تحياتى

maha zein يقول...

امثلة فعلا من ناس عندها حكمة
امثلة مجتش من فراغ
دجي جت من خبرات من سبقونا

والله كانوا ناس بيفهموا


كل سنة وانتي طيبة
انا جيت اسلم بسرعة وامشي اصلي مش داخلة من جهازي لان جهازي بايظ
ده انا بايتة عند تيتا عشان اعرف ادخل نت

ليا زيارة تانية بقة
سلام

زهور الامل يقول...

سندريلا

وعليكم السلام يا سندريلا

انا فرحانة ان الامثلة عجبتك
وفعلا المثل اللي عجبك ده صحيح وواقعي وحقيقي
لان كل واحد فينا بيشوف المقدر والمكتوب ليه مهما كانت الظروف ومحدش يقدر يوقف النصيب ولا يمنعه

تحياتي

زهور الامل يقول...

ذو الوجه المبتسم

اسمك يدعو للتفاؤل
وسعيدة اوي ومتشكرة لمرورك وزيارتك الجميلة

تحياتي

زهور الامل يقول...

مها زين

اهلا اهلا اهلا يا استاذه مها

منوراني جدا والله
وبالنسبة للامثلة اهو الواحد بيحاول يكتسب اي خبرات من الناس اللي قبلنا والله الناس دي دماغهم حلوة جدا وبيقولوا حكم بجد

وكمان شغلي الجديد خلاني اقعد مع ناس كبار وبحاول استفيد منهم واقط منهم عبر ومواعظ وامثلة
اهو حاجة تنفعنا في المستقبل

وكل سنة وانتي بالصحة والسلامة والسعادة والخير والهنا اللهم امين

وان شاء الله جهازك يتصلح قريب وتفضلي منورانا علطول

وسعيدة اوي لمرورك الجميل ويارب نتواصل دايما

منوراني جدا

صفــــــاء يقول...

أحلى ورقه ورد وأرقهم بصراحه
فعلا الأمثله صحيحه
وشرحك ليها واقعى جدا
كمان فيه حسن اختيار

كل سنه وانت طيبه يا أرق ورقه ورد

زهور الامل يقول...

صفاء

ازيك يا صفاء والله انتي وحشاني جدا وفينك من زمان
انا بدخل عندك كتير علشان اشوف ردودك على التعليقات مش بلاقيكي
يارب تكوني بخير

وانا متشكرة اوي على رايك في الامثلة بتاعتي

كل عام وانتي بخير وكل عام وانتي اجمل واحلى واطيب الناس

منوراني جدا وسعيدة بوجودك

تحياتي

mimi يقول...

هيا فعلا واضحة وصريحة

ههههههههههه

تحياتي

المتبهـدلـون فـي الأرض يقول...

فييين الجديييييييييد

المتبهـدلـون فـي الأرض يقول...
أزال المؤلف هذا التعليق.
زهور الامل يقول...

mimi

منوراني اوي يا ميمي
والامثلة فعلا صريحة لانها من واقع حياتنا وببجسد في مواقف في يومياتنا كل يوم

منوراني ويعيدة لمرورك

تحياتي

زهور الامل يقول...

المتبهدلون في الارض

ان شاء الله هيبقى في جديد قريب قبل رمضان باذن الله
بس ادعيلي اخرج من الحالة اللي انا فيها دي على خير قبل ما يجيني سكر او ضغط او شلل نصفي او نقطة
او الواحد بيحاول يتماسك لكن الظاهر مفيش فايدة شكلي هنهار يعني هنهار

متشكرة على سؤالك

صدفة جميلة يقول...

9 سنوات مش حسه ان سنك صغير جدا على الكلمات الجميله والرقيقه دى دا انتى كده تقوليلى يانكل او ياستاذ ايهاب

زهور الامل يقول...

صدفة جميلة

ازيك يا اجمل صدفة ولا اقولك يا اونكل ايهاب

بقة انا اقولك انا اتخرجت من الكلية من ست سنين ولسالي 3 سنين واخد لقب العنوسة تقولي 9 سنين

انت اكيد لسة صاحي من النوم ومش مركز هههههههههههه
طب احسبها تاني كدة هتلاقيني اصغر منك سنة
مش انت 28 عروستي

منورني

momken يقول...

حلوة الامثله دى

كمان شرحك سهلها خالص
لانى اصلا فى موضوع الامثال ده بساوى صفر
كنت فاكر ان كل واحد يالف امثاله
وكنت بدات االف امثال فعلا
بس اكتشفت انها وروثات

تسلم ايدك يا احلى وراق ورد فى الدنيا


تحياتى

زهور الامل يقول...

momken

اهلالالالالالالالالالا
ازيك يا اجمل ممكن في الدنيا
واحشني جدا اوي خالص

ولو مكنتش جيت كنت هتاخد مخالفة وهتدفع غرامة كمان
انا مبسوطة اوي اني اطمنت عليك

بالنسبة للامثلة بقى فانت عارف اني مدمنة امثلة شعبية
وبعدين لما انت صفر يبقى باقي الناس ايه سالب واحد
انت قبل كدة قولتلي مجموعة امثلة جميلة جدا وعجبتني اوي

وهي فعلا الامثلة بتكون من موروثاتنا الشعبية واللي بتجسد حياتنا كلها

منورني دايما وكنت منتظرة رايك بفارغ الصبر لان انت اول حد بهتم برايه وكلامه

وكل عام وانت طيب وبالصحة والسلامة انت وكل اللي بيحبوك وبيهموك

تحياتي

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه


وياريت تضيف اللينك عندك ومش هتندم

مودتى

GHARAM يقول...

وافتكر لك أيه يابصلة وأنتي كل اطمه بدمعه



ضربوا الأعور على عينه قال خسرانه خسرانه


على وشك يبان يامداغ اللبان

زهور الامل يقول...

ريمان ونوسة في هاكونا مطاطا

حاااااااااااااااضر علم وجاري التنفيذ

ويا خبر انهارده بفلوس بكرة ينزل عليه اوكازيون

تحياتي

زهور الامل يقول...

gharam

انا سعيدة جدا جدا بزيارتك ليا يا غرام

وسعيدة اكتر انك من المنصورة
واهل المنصورة كلهم يكون ليهم الشرف انك تكوني منهم
طبعا الجمال ده وخفة الدم لازم يكون من المنصورة

واليكي مجموعة من احدث اصداراتي في الامثلة ويارب تعجبك

على قد فلوسك طوح رجليك

فاقد الشء يدور عليه
اللي يتلسع من الشربة يتصل بالمطافي

وبكرة ترجع ريما من عند خالتها في مارينا

القرش الابيض بيعوم في البحر الاحمر

المضطر يركب التاكسي
اكل العيش يحب الطعمية

منوراااااني جدا