الأحد، 16 أغسطس 2009

أقوال وأمثال محرمة شرعاً


الحمد لله الواحد الأحد الذي لم يلد ولم يكن له كفواً أحد. والصلاة والسلام على نبينا محمد الذي أرسله ربه كافة للناس بشيراً ونذيراً، وداعياً إلى الله وسراجاً منيراً وعلى آله وصحبه ومن اهتدى بهديه إلى يوم الدين. من يهديه الله فهو المهتدي ومن يضلل فلن تجد له ولياً مرشداً


أصدقائي

يوجد في حياتنا مجموعة كبيرة من الأقوال والأمثال الشعبية المحرمة شرعاً والتي يرددها الكثيرون في حياتهم اليومية دون إدراك لمعناها ولا وعي لما ترمي إليه هذه الأقوال. فإن هذه الأمثال و الأقوال تخالف العقيدة والدين ولا بد من تجنبها والحذر منها لأن دخول الإنسان في الإسلام بكلمة والخروج منه أيضاً بكلمة فالواجب علينا التأدب مع الله في أقوالنا وأفعالنا فقد قال رسولنا صلوات الله وسلامه عليه ( والله الذي لا إله إلا هو إن المرء ينطق بالكلمةلالال من سخط الله لا يلقي له النار سبعين خريفاً والله المستعان)
وقال تعالى( ما يلفظ من قول إلا لديه رقيب عتيد)


واليكم بعض من هذه الأقوال:-

1- إذا الشعب أراد الحياة فلا بد أن يستجيب القدر
هذا فيه أن إرادة الله تابعة لإرادة خلقه والله سبحانه وتعالى يقول ( وما تشاءون إلا أن يشاء الله)
وقال تعالى (بديع السماوات والأرض وإذا قضى أمراً فإنما يقول له كن فيكون)(البقرة)

2- من علمني حرفاً صرت له عبداً
فلا إله إلا الله وأنه لا معبود بحق إلا الله
فقال تعالى(وما أرسلنا من قبلك من رسول إلا نوحي إليه أنه لا إله إلا أنا فاعبدون) ( الأنبياء)
قال تعالى ( وما خلقت الجن والإنس إلا ليعبدون) ( الذاريات) فالعبودية لا تكون إلا لله وحده

3-يعطي الله الفول للي ما عنده ضروس
هذا المثل في إساءة أدب مع الله تعالى وفيه أن الله لا يتصف بالحكمة والعدل بين مخلوقاته وكلنا يعلم أن من أسماء الله الحكيم والعدل ( لا إله إلا هو العزيز الحكيم) (آل عمران)

4-رزق الهبل على المجانين
فالرزاق هو الله سبحانه وتعالى وليس احد غيره ولا أحد يملك لنفسه أو لغيره رزقاً ولا ضراً ولا نفعاً
قال تعالى( إن الله هو الرزاق ذو القوة المتين) (الذاريات)
وقال تعالى أيضاً (وما من دابة في الأرض إلا وعلى الله رزقها)

5- كتر السلام يقل المعرفة
فالله سبحانه وتعالى حثنا على إفشاء السلام لأنه مفتاح المودة والحب في الله
وقال رسول الله (ص) (والذي نفسي بيده لا تدخلوا الجنة حتى تؤمنوا ولا تؤمنوا حتى تحابوا. ألا أدلكم على شيء إذا فعلتموه تحاببتم؟ أفشوا السلام بينكم)

6-ثور الله في برسيمه
هذا المثل فيه إساءة أدب مع الله تعالى فهل لله ثور وللناس ثيران أخرى حيث ثور الله في المثل يرمز له بالغباء والعياذ بالله

7- المغفور له أو المرحوم فلان
هذا القول فيه ادعاء بعلم الغيب فمن أين تعلم أن ألله رحم فلان أو غفر له فالأفضل أن تقول فلان يرحمه الله أي تدعو له بالرحمة والمغفرة
فقال تعالى( والله يختص برحمته من يشاء والله ذو الفضل العظيم) (البقرة)

8- شاطر
دائما ما نجد الأمهات والمدرسين يصفون الطفل بأنه شاطر فكلمة شاطر هذه معناها الخبيث أو قاطع الطريق أو الشيطان

9- فلان ربنا أفتكره
هذا ادعاء بأن الله أحيانا ينسى فقد قال تعالى ( وما كان ربك نسيا) وقال أيضاً (لا يضل ربي ولا ينسى)

10-البقية في حياتك
نجد كثيرا من الناس يرددون هذه المقولة فهل يموت إنسان قبل انقضاء عمره بحيث يكون البقية يرثها أحد أبناءه
فقال تعالى( ولكل أمة اجل فإذا جاء أجلهم لا يستأخرون ساعة ولا يستقدمون) (الأعراف)

11- الله يلعنك أو الله يلعن اليوم اللي شوفتك فيه
اللعن يعني الطرد من رحمة الله
فقد قال سبحانه وتعالى في حديثه القدسي( يؤذيني ابن آدم ، يسب الدهر وأنا الدهر ، أقلب الليل والنهار)
فاليوم والساعة والشهر من الدهر وأن الله سبحانه وتعالى هو الدهر فلا يجوز أن نسبه أو نلعنه

12- لاسمح الله
والواجب علينا أن نقول لا قدر الله لأن الله يقدر حدوث الشيء ولا يسمح به وهذا القول مكروه لأنه ربما يتوهم الناس أن أحداًَ يجبر الله على شيء

13- يدي الحلق للي بلا ودان
هذا المثل أيضا ً فيه إساءة أدب مع الله ووصفه بأنه ليس حكيما ولا عادلاً بين خلقه فقال تعالى( نحن قسمنا بينهم معيشتهم في الحياة الدنيا ورفعنا بعضهم فوق بعض درجات) (الزخرف)

14- اللي يحتاجه البيت يحرم على الجامع
فهذا مثل يدعو إلى البخل بأي شيء أو تبرع فيه مصلحة للمسلمين
فقال تعالى (وما أنفقتم من شيء فهو يخلفه وهو خير الرازقين) وقال أيضاً (وانفقوا في سبيل الله)

15- زرع شيطاني أو طلع شيطاني
هذا القول حرام أيضاً لأن الزرع رزق من عند الله وأن الشيطان لا يملك لنفسه ولا لغيره رزقا
فقال تعالى (ينبت لكم به الزرع والزيتون والنخيل والأعناب ومن كل الثمرات إن في ذلك لآية لقوم يتفكرون) (النحل) فالأصح أن نقول زرع رباني أو طالع رباني

16-سأعتمد على الله وعليك أو توكلنا على الله وعليك
فهنا قد أشرك غير الله مع الله فيما هو من خصائص الله
فقال تعالى( لا إله إلا هو سبحانه عما يشركون) (التوبة)
فلا بد أن نقول سأعتمد على الله ثم عليك

17-ما ينوب المخلص إلا تقطيع هدومه
هذا المثل يدعو إلى ترك النهي عن المنكر والإصلاح بين الناس وإفشاء السلام والمودة والحب بينهم
فقال تعالى (فأصلحوا بين أخويكم) (الحجرات)

18-صباح الخير أو صباح النور
فهذه تحية أهل الجاهلية وقد نهانا الله ورسوله ألا نتشبه في شيء يخص أهل الجاهلية فلا بد أن نتعامل بتحية الإسلام وهو السلام عليكم ورحمة الله وبركاته
فقد روي عن اسماعيل بن مسلم عن رسول الله (ص) انه قال: (أوحي الله عز وجل إلى نبي من أنبيائه: قل للمؤمنين لا يلبسوا لباس أعدائي، ولا يطعموا مطاعم أعدائي ، ولا يسلكوا مسالك أعدائي ، فيكونوا أعدائي كما هم أعدائي)

19- على الله
فنجد كثير من الأطياء يرددون هذه المقولة وهي مذمومة شرعاً لأن الله يعلو ولا يعلى عليه والبديل أن نقول الله المستعان

20- لا حياء في الدين
هذا قول خاطيء لأن الحياء من الدين بل هو شعبة من شعب الإيمان كما أخبر بذلك رسولنا الكريم (ص) والصواب أن نقول لا حياء في السؤال عن الدين


21- القول للمتزوج بالرفاء والبنين

هذه أيضاً تهنئة أهل الجاهلية والبنين المقصود بها الذكور

22- الأقارب عقارب
هذا المثل فيه دعوة لقطع الأرحام والله سبحانه وتعالى دعا كل فرد أن يصل رحمه فقال تعالى( واعبدوا الله ولا تشركوا شيئاً وبالوالدين إحساناً وبذي القربى) (النساء)

23- فلان شكله غلط
هذا القول فيه اعتراض على خلقة الله سبحانه وتعالى لعباده وسخرية منه وقد قال تعالى ( وخلقنا الإنسان في أحسن تقويم) (التين)

24- يا ساتر
فالساتر شيء ملموس ومادي ومعناه الحاجب أو الحاجز والمانع وليس الساتر من أسماء الله الحسنى وكلمة ستار جاءت من المانع أو الحاجز أما ستير من الستر فلا يصح أن نطلق على الله اسماً ليس له فالبديل أن نقول الله ستير فإن الله حي ستير

25- الحلفان دائما بغير الله : ورحمة أبويا والمصحف الشريف والنعمة
فالحلفان بغير الله سبحانه وتعالى حرام فقد قال رسول الله (ص) (من كان حالفاً فليحلف بالله أو ليصمت)

26- لا بيرحم ولا بيسيب رحمة ربنا تنزل
من منا يستطيع أن يمنع رحمة الله عن عباده فهذا المثل فيه افتراء على الله
وقال تعالى ( ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم)

27-هو أحنا بنقول في سورة عبس
هذه العبارة تبين أنه عندما نقرأ في سورة عبس كأننا نقرأ طلاسم لا يفهمها الناس وقد قال تعالى ( كتاب فصلت آياته قرآناً عربياً لقوم يعلمون)

28- كلمة سلام
معناها تحية ملائكة العذاب وفي الدنيا خلود في النار فالبديل أن نقول السلام عليكم ورحمة الله

29- شاءت قدرة الله كذا
لأن القدرة معنى أي أنها شيء معنوي والمعنى لا إرادة له والله هو المريد فالبديل أن نقول أراد الله كذا

30- اسم النبي يحرصك ويصونك
دائما نقول هذا المثل للأطفال وهذا المثل خاطئ لأن اسم النبي لا يحرص فالذي يحرصك ويحرص الطفل ويحرص النبي هو الله سبحانه وتعالى

31- الله يظلمك كما ظلمتني
فالله سبحانه وتعالى حكم عدل ولا يظلم أحداً من عباده فقد قال تعالى ( إن الله لا يظلم الناس شيئاً ولكن الناس أنفسهم يظلمون)

32- ساعة لقلبك وساعة لربك
هذا المثل يقصد به أن نقسم أوقاتنا وقت لله ووقت للمعصية والذنوب والشهوات
فهل تحب أن يقلبك الله بين الجنة والنار ساعة هنا وساعة هنا؟
فالحياة كلها لله سبحانه وتعالى فقال تعالى( قل إن صلاتي ونسكي ومحياي ومماتي لله رب العالمين)
وقد قال رسولنا الكريم (لا تزول قدما عبد حتى يسأل عن أربع: عن عمره فيما أفناه ، وعن علمه ما فعل فيه ، وعن ماله من أين اكتسبه وفيما أنفقه ، وعن جسمه فيما أبلاه).

33-أنا عبد المأمور
هذا قول خاطئ فكلنا عبيد لله الواحد الأحد وهذه الكلمة توحي بأن قائلها لا ذنب ولا مسئولية عليه فهو ينفذ أوامر رئيسه بفعل ما يغضب الله سبحانه وتعالى فهذا خطأ فكل إنسان مسئول عما يفعله من خير أو شر ولا طاعة لمخلوق في معصية الخالق فقد قال رسول الله صلوات ربي وسلامه عليه (على المرء المسلم السمع والطاعة فيما أحب أو كره إلا أن يؤمر بمعصية،فإذا أمر بمعصية فلا سمع ولا طاعة)

34- يا مستعجل عطلك الله
هذا قول خاطئ لأن الله سبحانه وتعالى لا يعطل أحد فقد قال رسول الله (ص) (التأني من الله والعجلة من الشيطان)

35- إمسك الخشب
هذه الأقوال لن تدفع حسدا ولن تغير من مشيئة الله شيئاً بل هي من الشرك فلا بأس من التحرز من العين والحسد فهي تصيب بإذن الله وعند خوفنا من الحسد لا بد أن نقول ( ما شاء الله ولا قوة إلا بالله)

36- لا حول الله
هذا القول أيضاً خاطئ ويريد به الإختصار فالبديل أن نقول لا حول ولا قوة إلا بالله

37- الدين لب وقشور
هذا أيضاً قول خاطئ لأن القشور لا فائدة فيها غالباً وترمى وتهمل بينما الدين كله خير أصوله وفروعه وواجباته وسننه




أصدقائي

في النهاية أوصيكم ونفسي بتقوى الله سبحانه وتعالى. فاتقوه في الغيب والشهادة والقول والعمل والغضب والرضا والفرح والترح. ألا فاتقوا الله يا أولي الألباب لعلكم تفلحون.

هناك 69 تعليقًا:

هيثــم رمضـــان يقول...

الحمد الله أول تعليق

بارك الله فيكي وجزاكِ عنا كل خير فعلاً موضوع في غاية الأهمية والمشكلة الأكبر إن في ناس عارفه الكلام ده لكن برضه بتكرره بحكم العاده وأكتر كلمه غلط مشهور بيها المصريين بالذات هي الحلفان بالرسول صلي الله عليه وسلم (والنبي) ورغم معرفة الناس إنها غلط لكنهم متعودين عليها ومش بيخدوا بالهم لكن مع كتر التذكرة إن شاء الله الناس تتعود علي الصح.

كل سنه وإنتي طيبه وربنا يتقبل منك رمضان

تقبلي تحياتي

وردة يقول...

���� � ��� ���� �� ��� ���� ���� ��� ��� � ��� ������
����� ����� ������ ������ ��� ������ �����
��� ���� ���
���� ��� �� �� �� ��� �������
��� �� ����� ��� ���
����� ����
����

فراشة يقول...

بصراحة يا زهور احنا كلامنا مليان اخطاء ملهاش حصر
بس ربنا يباركلك بجد انك جمعتيهم وقولتنا عليهم

فى حاجات الواحد الحمد لله فعلا بطلها وعودت نفسى انى اقولها صح وفى حاجات للاسف لسه
بس ربنا كريم

موضوعك رائع وفى وقته
يا جميلة الزهور

كل سنه وانتى طيبة

Rosie يقول...

بجد موضوع أكثر من رائع..جزاك الله خير..أنا شخصيا استفدت من حاجات كتير فيه...و أنا دايما بحب أقرأ الحاجات اللى احنا بنقولها و بيطلع فيها غلطات..شكرا لك..

صدفة جميلة يقول...

السلام عليكم ورحمةالله وبركاته
انكل ايهاب وصل
ايه الجمال ده بجد برافو يعنى كويس بجد ايوا كده بدل البوست الفات اهو نستفيد منك يا........ بجد ياترى ايه الاسم المستخبى ورى ظهور الامل وعروستى بتقولك العمر مش بالسنين ياما ناس سنها كبير بس قلبها جميل وناس شباب لاكن مش عايشه اى احساس عروستى
ياترى وهل ترى
فى الختام ليكى منى سلام وكل سنه وانتى طيبه وبخير
تقبلى مرورى وكلامى البسيط

blue-wave يقول...

بجد بجد
جزاكى الله خيرا على التذكرة والتوعيه والله

صدفة جميلة يقول...

السلام عليكم ورحمة الله وبركاته
ههههههههههههه
مش عارف بس العرفه انى عمرى مهاكون برقتك او طبتك اوك
ثانيا طيبه مش لدرجة الهبل يعنى
ورقه مش مع كل الناس لكن بتبع المثل البيقول عامل بما تحب ان تعامل وهنا بحس انى بعامل ملاك طب عاوزانى اعمله ازاى دنا مهما قولت مش هوافيه كلام
ياله اسيبك وقول سلام بس معرفتش لما اجى اقول ايه ولا سر ولا كفايه زهور الامل

سمكه واحده يقول...

اذيك يازهور
اخبارك ايه؟
يارب تكوني بخير
جايه اسلم واقول كل سنه وانتي بخير وسعيده ومحققه كل احلامك
ويكون رمضان ده ان شاء الله احلي رمضان واحلي من رمضانات )كتير فاتت
(حلوه رمضانات دي مش كده بزمتك؟)
متنسيش تدعيلي بقي
اصلي مش بدعي ببلاش
وجزاكي الله كل خير علي الامثال دي فعلا كتير مننا بيغلط وبيقول كلام مش مفهمه وبيكون غلط وحرام ومش مستحب
بس ربنا غفور رحيم
ربنا يغفر لنا ويرحمنا
وكل سنه وانتي طيبه
تحياتي

صدفة جميلة يقول...

السلام عليكم
عروستى غلبت وماتت كمان مهو اصل انا يعنى مش بتاع عروستى غبى صح ههههههههههههههه
مهو يعنى عقلى بيقولى لبى او لباوبصراحه اسم جديد وعمرى مقبلنى على العموم اوك

صدفة جميلة يقول...

مش بقولك غبى غبى يعنى
ههههههههههههههههههههههههههههههههه
اوك ماشى ياست ن
اسم جميل بجد مش مجامله دى حقيقه
وسعيد بجد يعنى للبوح لى وانا اميلى موجود فى مدونتى لو احتاجتى اى حاجه انا تحت امرك اوك سلام ياقمر

سمكه واحده يقول...

زهور كل سنه وانتي طيبه يا جميل قلت اجي اقلك رمضان كريم
وربنا يحققلك كل احلامك
ورمضان ده يكون رمضان بكل واحسن الرمضانات اللي عدت عليكي يارب
كل سنه وانتي بخير ومعانا ومنوره عالم بلوجر الجميل ده عشان ناس جميله زيك فيه
سمكمك

momken يقول...

جميل اوى يا ارق اوراق ورد فى الدنيا

الامثله الى قلتيها او نعتبرها اقوال

مع انها تخالف اشرع الا انها على لسان اغلب الناس سوائ كانوا بسطاء او حتى على درجه من العلم والفهم

لكنها اتورثت بالشكل ده

ومن الاقوال الى برضو تخالف الشرع

عليا الطلاق......والنعمه....ورحمه خالى حسن....

كمان
عشمان حنا يخش الجنه ........دا واد ابن حرام.....او ابن شياطين
كمان...
الجواز قسمه ونصيب
ومدد يا فلان (اى مخلوق)
وبركاتك يام هاشم
وعظمه ياست

وحجات كتير مش عاوز ادوشك

بس تسلم ايدك وربنا يجعله فى ميزان حسناتك

قوليلى صحيح اخبار الكروان ايه؟


كل سنه وانتى طيبه


تحياتى

بحب الحكومة يقول...

كل عام وانتم بخير


بمناسبة شهر رمضان المبارك

هيفاء يقول...

امثلة منتقاة بعناية
وعمل تأجرين عليه بأذن الله
بارك الله فيك زهور
كل عام وانتي بخير غاليتي

دموع القمر يقول...

اولا كل سنة وانت طيبة
وانا سعيده جدا بزيارتى لمدونتك الجميلة
وبجد بشكرك من قلبى وتحياتى لكى على هذا البوست الجميل دا
كتير بنسمع
تور الله فى برسيمه
دى بيقولوها لما حد يبقى غبى
مش عارفة الواحد لما بيقعد ويتأمل فى الكلام العجيب دا بيستغفر ربنا ونتمنى انه ياسامح اللى ميعرفش
واللى عرف يجعله حجه ليه مش عليه

تقبلى مرورى

mimi يقول...

قريت البوست من أول كلمة لأخر كلمة

أًصلي للأسف ،، فيه ألفاظ كتير عالقة في لساني..


ربنا يسامحني ....

بوست هايل ربنا يكرمك ويتقبل منك الطاعات ويتقبل منك صوم رمضان

شكراااا لزيارتي ... سيدوم التواصل بإذن الله

ذو الوجه المبتسم يقول...

كل عام وانتم بخير

تحياتى

Tarkieb يقول...

معظم الكلام مردود عليه اختي وبلاش نحمل الاشياء اكتر مما تحتمل..العبودية لله مقصود بها العبادة كا السجود والطاعة اما العبودية للبشر جاية من الاستعباد ..فمقصود بها الخدمة لا أكتر ولا اقل.. ابرهام لينكولن النصراني لغي العبودية الحقيقية والسعودية الوهابية كانت اخر دولة وافقت عليها رسمي علما بأن المغرب وموريتانيا ما زال بها الاستعباد لحد الان.. معظم الامثال مردود عليها كلها ولا اري فيها اي شئ حرام اطلاقا ... يا اختي الاسلام ابسط منه مفيش ومشكلته الناس اللي بتحرم علينا كل شئ وبتحمل اقوالنا اكتر مما مما ينبغي ...بقى إذا الشعب أراد الحياة فلا بد أن يستجيب القدر .. دي مش عجابكي وكمان حرام ؟ يعني لازم الشعب يطيع أولو الامر... ويقول لكله امين... والله حرام اللي بيحصل فينا ده .. بقى أجمل قصائد ابو القاسم الشابي اللي بتشجع على ارادة الحياة ومثال حي على طموح الشباب ر وطلب الحريه بقت حرام...تقبلي تحياتي وكل سنة وانت طيبة وياريت ما تزعلى مني لان رأيي صواب يحتمل الخطأ ورأي غيري خطأ يحتمل الصواب

مدحت محمد يقول...

اولا كل سنة وحضرتك طيبة
ثانيا ماشاء الله عليكى ده انا كل لما يجى فى بالى جملة غلط ومخالفة للاسلام برضه الاقى حضرتك ذكرتيها فجزاكى الله كل خير وكل سنة وانتى طيبة

صدفة جميلة يقول...

السلام عليكم
اسال الله لكى فى هذه الايام حسنات تتكاثر وذنوب تتناثر وامال محقق
الفانوس جه هو يعنى ها يغلى عاليكى
كل سنه وانتى طيبه
اونكل ايهاب

سندريلا يقول...

السلام عليكم/ بجد موضوع حلو وعجبنى فيه كتير بس دى بالاكتر(16-سأعتمد على الله وعليك أو توكلنا على الله وعليك
فهنا قد أشرك غير الله مع الله فيما هو من خصائص الله
فقال تعالى( لا إله إلا هو سبحانه عما يشركون) (التوبة)
فلا بد أن نقول سأعتمد على الله ثم عليك
)


تحياتى /سندريلا

شمس النهار يقول...

ماشاء الله بوست جميل ومفيد ان شاء الله تاخدي ثواب كل من يقراه

كل سنه وانت طيبه

عاشقة الأحزان يقول...

جزاكى الله كل الخير على الموضوع الجميل ده واكيد بجد انا استفدت منه كتير

ربنا يتقبل منا ومنكم صالح الاعمال

مودتى
انوسه

الحــ ــزين يقول...

الحــ ــزين

ربنا يقوى ايمانك كمان وكمان ويوفقك دائما فى حياتك

ويارب تكونى اسعد حد فى الدنيا يالا ياستى يعنى اسعد منى ومن غيرى قولى أمين
ههههههههههههه

دومتى بكل خير

الحــ ــزين

أبو كريم يقول...

جزاك الله كل الخير

والأن زاد وزر كل من علم بها منك ولم يعمل بها


رمضان كريم

آه من قلبي يقول...

جزاك الله خرا
وبجد انا فرحانة لأن مدونتك هادفة
ومش بترغي على الفاضي
بجد لقيت حاجات مكنتش اعرف انها حرام
شكرا بجد
ربنا يجزيك خير
اتمنى تشرفيني في مدونتي عشان انا لسة جديدة

زهور الامل يقول...

هيثم رمضان

ازيك يا استاذهيثم
كل سنة وانت بالصحة والسلامة وربنا يعيد عليك رمضان بخير ويتقبل منك صيامك وقيامك الهم امين

متشكرة جدا على رايك في البوست
بس انا اخدت بالي ان في الفاظ كتير اوي غلط وبنقولها طول الوقت وبنكررها وممكن تؤدي الى درجات الكفر الصغرى والعياذ بالله
فحبيت افيد الناس بيها لعل يكون ذلك في ميزان حسناتي ان شاء الله

منورني دايما

زهور الامل يقول...

وردة

ازيك يا اجمل وردة في بستان المدونين
كل عام وانتي بألف خير وهنا

ولو ان التعليق بتاعك ظاهر عندي على شكل مربعات بس برضو انا سعيدة جدا لمرورك وزيارتك ليا اللي بتنورني دايما

تحياتي يا قمر

زهور الامل يقول...

فراشة

ازيك يا فراشتي الجميلة
كل عام وانتي بالف خير
فعلا انتي عندك حق كلامنا مليان أخطاء كتير بنكررها طول الوقت
ربنا يسامحنا يا رب
واهو الواحد بيحاول على قد ما يقدر ياخد باله من الكلام الخطأ ده ويتوقف عنه وهتيجي واحدة واحدة ان شاء الله

منوراني جدا يا قمر

زهور الامل يقول...

rosie

ازيك يا روزي
اخبارك ايه
كل عام وانتي بخير
انا سعيدة اوي انك قدرتي تستفيدي من البوست ده
وجزاني الله واياكم حسن الثواب

منوراني

زهور الامل يقول...

صدفة جميلة

أهلا أهلا يا اونكل ايهاب
والله انت جيت نورت البيت
ويارب اكون قدرت اوصل للناس معلومة كويسة تفيدهم
انا عن نفسي بحاول على قد ما اقدر اتوقف عن اي حاجة او اي قول يخالف الشرع والدين
وربنا يغفر للي مايعرفش

منورني دايما يا هوبة

زهور الامل يقول...

blue_wave

ازيك يا دكتور عمرو

انا سعيدة اوي لزيارتك الجميلة ليا ومتشكرة اوي على الدعوة الجميلة دي

كل عام وانت بالف خير وهنا

منورني

زهور الامل يقول...

سمكة واحدة

ازيك يا سموكة يا قمر
وحشااااااااااني جدا جدا والله

انا الحمدلله المهم انتي تكوني بخير انتي وكل اهل اسكندرية
على فكرة نص عيلتنا في اسكندرية
حاسة اننا هنطلع قرايب في الاخر
احنا اسمنا عيلة الحمايدة

كل عام وانتي بالف خير وهنا وربنا يبارك فيكي يا رب وينولك كل اللي بتتمنيه وبتحلمي بيه اللهم امين

وفعلا عندك حق في الفاظواقول كتير غلط بنكررها طول اليوم دون وعي لمعناها
ربنا يغفر لنا جميعا يا رب ويعفو عنا ويهدينا اللهم امين
سلميلي على اسكندرية اوي وعلى بحرها الرائع وعلى ناس اللي زيك اللي في منتهى الجمال

منوراني دايما

زهور الامل يقول...

momken

والله انت اللي ارق واجمل ممكن في الدنيا كلها
وانا بحمد ربنا بجد اني بعرفك وبيكونلي الشرف اني اتكلم معاك

انت فعلا عندك حق بالنسبة للاقوال والامثال ان في ناس كتير اوي بتكرر الاقوال الخطأ وهي مش فاهمة وفي ناس بتعمل نفسها مش فاهمة ربنا يغفر لنا يا رب
انا طول النهار ماشية في البيت عاملة زي ناظر المدرسة كل اللي ينطق لفظ غلط اقوله لا متقولش كدة الكلمة دي حرام لما امي الاخر هتخنقني وترتاح مني زهقت من غلاستي
اه من الحق مين خالك حسن ده ( وش مطلع لسانه)

وبعدين ايه مش عايز ادوشك ده مااااااااااااشي انت عارف كويس ان انت الانسان الوحيد اللي لو فضل يكلمني طول العمر عمري ما هندوش منه


بالنسبة للكروان بقى فهو بالرغم من انك مطنشه وهو زعلان منك اوي بس هو بيسلم عليك وبيقولك انت وحشته فوق ما تتصور وبيقولك كل عام وانت بألف خير وهنا ويارب يسعد ايامك ومبارك عليك رمضان ويكون افضل من كل الرمضانات اللي فاتت اللهم امين

تحياتي يا اجمل ممكن عرفته في حياتي

زهور الامل يقول...

بحب الحكومة

كل عام وانت بخير ومبارك عليك الشهر الكريم

وشكرا لمرورك

تحياتي

زهور الامل يقول...

هيفاء

ازيك يا هيفاء
والله انتي وحشاني ودايما منوراني ورافعة من معنوياتي

كل عام وانتي بألف خير وهنا وربنا يتقبل منك رمضان يارب ويباركلك في هذا الشهر الكريم

دايما مرورك عليا بيسعدنيوبيكملي حاجة ناقصة فيا
كل عام وانتي بخير

تحياتي

زهور الامل يقول...

دموع القمر

وانتي طيبة يا قمر
وانا والله اللي سعيدة انك نورتيني بزيارتك الجميلة لشخصي البسيط
وسعيدة اوي ان ابوست ده عجبك ويارب اكون قدرت اقدم حاجة كويسة تفيد الناس وربنا يرزقني بيها الثواب
وربنا يغفر لنا يارب ويعفو عنا ويتجاوز عن سيئاتنا اللهم امين

تحياتي

زهور الامل يقول...

mimi
ازيك يا ميمي
كل عام وانتي بخير يارب وربنا يتقبل منك الصيام والقيام باذن الله
ويرزقني واياكم حسن الثواب

وانتي حاولي وصممي انك تبطلي تكرري الالفاظ المحرمة وان شاء الله هتبطلهيا
هي بس عايزة شوية عزيمة
وربنا يغفر لنا يارب ويعفو عنا

منوراني

زهور الامل يقول...

ذو الوجه المبتسم

كل عام وانت بالف خير وهنا انت والاسرة الكريمة

ورمضان كريم

منورني

المسلم الصغير يقول...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..

كلام من قلبي يقول...

السلام عليكم
كلامك جميل المفروض نعمل بيه ده اول زيارة ومستنية زيارتك ويا رب المدونة تعجبك ومتكنش اخر زيارة

زهور الامل يقول...

tarkieb

مش عارفة ليه لما قرأت تعليقك حسيت ان في تار بيني وبينك وحسيت انك لو شوفتني هتصفعني بالقلم على وشي
وعلى العموم انا من حقي أرد على كلامك اللي مش عارفة انت قولته ازاي بالظبط
بقى انت شايف ان كلامي كله مردود عليه ومش حرام
اسمحلي انت لازم تروح تراجع دينك من اول وجديد
القول من علمني حرفا صرت له عبدا
فقد سئل شيخ الاسلام ابن تميمة رحمه الله عن هذا القول فأنكره أشد النكير على من اعتقده لمخالفته اجماع المسلمين فهذا القول مرفوض بشدة لأن العبودية لله وحده وكيف نصبح عبيدا للمعلمين وخلقني الله سبحانه وتعالى حرة ووضع امامي اسباب التعلم فاذا أردت أن اتعلم فالطريق متاح أماميوقد لا احتاج الى معلم لانني ساتعلم من تجاربي او ابقى امية لا اتعلم واحتفظ بحريتي فمن علمني حرفا له مني الاحترام والتقدير والطاعة والاعتراف له بالجميل مدى الحياة لكن لا يجب ان يصل احساسنا بجميله لدرجة العبودية فالعبوديه لله وحدة

القول اذا الشعب اراد الحياة لا بد ان يستجيب القدر
بذمتك القول ده محتاج كلام
قدر ايه اللي هيستجيب لارادة الانسان
القدر ده من الله سبحانه وتعالى
يعني انا لو عايزة اعيش سنتين كمان ربنا لا زم يستجيب ليا؟
ويتقولي ابو القاسم الشابي
ايه ابو القاسم الشابي ده غير انه بشر وليس قرأن منزل وليس اله علشان نتكلم عنه بالشكل ده فهو بشر خطاء زي اي انسان اخر
ايه الاخ الكريم اليدين يسر اه في الاعمال اللي بنعملها يعني منجيش على نفسنا اوي في العبادة يعني مثلا اللي تعبان ينفع يصلي وهو قاعد مثلا
لكن مش نقل ادبنا على ربنا في الكلام ونرجع نقول الدين يسر
يجب علينا التادب مع الله في كل قول
وتذكر كويس اوي الايه الكريمة اللي بتقول ما ينطق من قول الا لديه رقيب عتيد
وتذكر ايضا الحديث الشريف
ان المرء ينطق بالكلمة من سخط الله لا يلقي لها بالا تهوي به في النار سبعين خريفا
خلي بالك اوي من الحديث ده

فعلشان خاطري راجع الدين كويس قبل ما تعلق على الكلام بالشكل ده
وياريت نكون مؤدبين مع ربنا اكتر من كدة
ربنا يغفر لنا ويعفو عنا

شكرا على تعليقك

زهور الامل يقول...

مدحت محمد

كل عام وانت بالف خير وهنا
ورمضان كريم

شكرا لمرورك
تحياتي

زهور الامل يقول...

صدفة جميلة

ازيك يا ايهاب
كل عام وانت بخير ويارب يعيد عليك الايام الكريمة دي بالخير واليمن والبركات

اعمل حسابك هاجي اخد الفانوس بتاعي قريب
اوعى تديه لحد
منورني

زهور الامل يقول...

سيندريلا

ازيك يا اجمل سندريلا
كل عام وانتي بخير يا قمر ورمضان كريم

فعلا القول اللي عجبك ده ناس كتير اوي بتكرره معظم الوقت وهما مش عارفين انه حرام او يمكن عارفين بس بيستعبطوا
وفي اقوال كتير لسة محرمة ربنا يغفر لنا
وبالرغم من كدة في ناس مش عاجبها البوست وبيقولك كل اللي انتي قولتيه ده مش حرام وداخلين عايزين يضربوني

ربنا يغفر لنا ويهدي الناس

منوراني يا قمر

زهور الامل يقول...

شمس النهار

ازيك يا شموسة
كل عام وانتي بخير ورمضان كريم

زيارتك اسعدتني

زهور الامل يقول...

عاشقة الاحزان

ازيك يا انوسة
كل عام وانتي بخير يا قمر
والله انا دخلت عندك كتير وباجي اعلق مكنتش بعرف
تفتكري ليه؟

نورتيني جدا بزيارتك
ويارب امين انا وانتي

منوراني

زهور الامل يقول...

الحزين

ازيك يا باشا
انت فينك من مدة
يارب تكون انت اللي سعيد وتسيبك من الحزن ده

كل عام وانت بخير
ومبارك عليك رمضان

وجزاني الله واياكم حسن الثواب

منورني

زهور الامل يقول...

أبو كريم

متشكرة اوي على زيارتك المميزة دي
وكل عام وانت بخير
ورمضان كريم

منورني

زهور الامل يقول...

آخ من قلبي
والله بجد انا اللي فرحانة لزيارتك يا قمر

ان شاء الله مدونتك تبقى من افضل المدونات الموجودة على بلوجر
وسعيدة اوي بيكي
منوراني

زهور الامل يقول...

المسلم الصغير

وعليكم السلام يا مسلم

كل عام وانت بخير علشان رمضان وعلشان عيد ميلادك
ورمضان كريم

منورني

زهور الامل يقول...

كلام من قلبي

ازيك يا قمر
كل عام وانتي بخير ويارب رمضان الجاي تكوني من اشهر المدونين في بلوجر

انا زورت مدونتك وعجبتني جدا وان شاء الله هنتواصل دايما

ومتشكرة اوي على زيارتك ورايك الجميل

منوراني

د/ أحمد لاشين يقول...

الامثلة الاول والثاني
اعتقد لا غبار عليهم
معناهم جميل ولا يقصد احد ابدا ممن يقولهم المعني السئ

الخامس عشر مصطلح صحيح
هناك نباتات شطآنية
اي تنبت علي الشواطئ
وحرفت الكلمة الي شيطاني لكنها اصلها شطىآني

دمتم بود
وجزيتم خيرا علي تصحيحات المفاهيم التي افدتينا بها

د/ أحمد لاشين يقول...

اسمحلي انت لازم تروح تراجع دينك من اول وجديد


بالراحة بس عالناس

ربنا يكرمك يا افندم

وابوالقاسم الشابي ده شاعر تقريبا
:):):)

لو كان المقصود من البيت الشعري تطويل العمر وكده اكيد طبعا حرام
بس مستحيل حد يفهمه كده
ولو معناه ان الله لا يغير ما بقوم حتي يغيروا ما بأنفسهم وانا دايما افهمه كده فأعتقد انه بيت ممتاز

موضوع جميل لولا ان التعليقات شديدة حبتين

اكرمكم الله ورزقكم الاخلاص في القول والعمل
ورزقكم طول البال علي الناس التعبانين اللي زيي

جزاكم الله خيرا

زهور الامل يقول...

د/ أحمد لاشين

ازي حضرتك يا افندم
اولا انا سعيدة لتشريف حضرتك ليا
ثانيا كل عام وحضرتك بخير وبصحة وسلام
ثالثا انا اسفة على التعليق اللي حضرتك اتكلمت فيه
انا والله بقبل اي نقد ومش بزعل ابدا وبكون سعيدة لما حد يوجهني كويس اوي اخطأت في شيء وحد لفت نظري ليه
وانا مقصدش ابدا بكلامي اني اكون قاسية في ردي على حد
اطلع ايه انا اصلا علشان ارد بقساوة او قلة ذوق
بالنسبة للاقوال اللي عليها الخلاف
فقول اذا الشعب اراد الحياة غير مقصور فقط على قول الشاعر ابو القاسم الشابي ولكن الناس بقت بتردده في معظم المواقف وانا مقصدش بيه برضو موضوع زيادة العمر انا بضرب مثل بس في ارادة الانسان

اما قول زرع شيطاني او الولد ده شيطاني
فالزرع اللي بيطلع لواحده ده مابيكونش على الشواطئ فقط بيكون ايضا في داخل الارض نفسها وليس الشواطئ بس وانا عندي ارض وعارفة كدة كويس
فأياً كان أي شيئ في الدنيا بيكون بيد الله وبيكون رباني ولا يوجد شئ شيطاني والناس في اقوالها بتقصد انه طالع من الشيطان

انا متشكرة جدا لمرورك واسفة مرة تانية ان كنت فهمت ردي على تعليق الاخ طارق انه عصبية او قسوة

منورني جدا يا دكتور أحمد

المسلم الصغير يقول...

أشكركم على الزيارة وأتمنى تكرارها ...
وإن شاء الله هكون عند حسن ظنكم وسوياً سوف نعيد زمن الأخلاق الحميدة والتمسك بدين الله وقيمه
كل عام وأنت بخير ..
رمضان كريم..
ويعود عليك وعلى الأمة الأسلامية بالخير والمغفرةوبجد ربنا يحرسك وبذيدك كمان وكمان والأمثال اللي أنتي قولتيهافعلاًفي ناس كثيرة بتقع فيها

د/ أحمد لاشين يقول...

كل السعادة والشرف لي لزيارة المدونة

وعلي فكرة اختيار اسم المدونة اختيار ينم علي ذوق وحس عالي
مصطفي صادق الرافعي
و
مي زيادة
شئ جميل

زهور الامل ايضا اختيار موفق جدا
وبالتالي كنت مستغرب قسوة الرد
لكن تراجع حضرلك وتوضيح قصدك اثلج صدرنا

ربنا يكرمك

ويبقي التواصل

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

blue-wave يقول...

اة صحيح
هوا انتى فعلا شبه انغام؟؟؟

الفراشه الحائره يقول...

http://sotmoaq.blogspot.com جديد جدا على مدونة صوت المعاق و اول انطلاقه لنا حنسمعك صوتنا و بايدينا حنغير واقعنا

صدفة جميلة يقول...

السلام عليكم
بجد انا خجلان من نفسى بس بعذرها مهو يعنى كنت مشغول جدااااااااا الفتره دى ومدخلتش النت غير انبارح
معلشى الشغل واخد كل وقتى دعواتك باه
بجد والله انا زعلت جدا لمرضك والف سلامه وربنا يحفظك من كل شر ويدوم عليكى الصحه والعافيه ممكن باه تلتمسى ليه العزر وياستى انتى اغلى من اى هديه مانجو ايه وموز ايه هو فيه فى الدنيا فكهه ليها نكهة كلماتك وطعم مفرداتك وجمال خطك يابنتى انتى اجمل من اى جمال
ياله مستنى اعرف قبلتى اعتزارى ولا لسه مصره على المانجه
سلام يا........................

صدفة جميلة يقول...

السلام عليكم
من عنيه
والطلب التانى كمان بشرط ناكله من ايديكى ياترى بتعرفى تعملى كبده اسكندرانى ولا باين عليكى خام

صدفة جميلة يقول...
أزال المؤلف هذا التعليق.
صدفة جميلة يقول...
أزال المؤلف هذا التعليق.
Sharm يقول...

شكرا اختي الكريمة

Che يقول...

ازيك يا زهور و كل سنه و انتى طيبه و لو انها متأخره كتير بس معلش .... خليكى انتى الكبيره
كل الامثال اللى انتى قلتى عليها موجوده و بكتره فى حياتنا .... بس اغلب الناس بتقولها بشكل عادى لان كلها تعتبر من تراثنا يمكن من ايام العثمانين و هى موجوده معانا .... بس فعلا ده مش عذر
بوست جميل جدا ...... تحياتى يا جميل

زهور الامل يقول...

hasona
كل عام وانت بألف خير

اللهم امين في كل دعواتك

شكرا على الزيارة

تحياتي

زهور الامل يقول...

sharm

الشكر لله
شكرا على الزيارة ومنورني

تحياتي

زهور الامل يقول...

che

ازيك يا عمرو
كل سنة وانت طيب والف حمدالله على السلامة

كنت لسة هاخدك مخالفة وهدفعك غرامة بس انت لحقت نفسك على اخر لحظة

انت فعلا عندك حق في كلامك

وربنا يغفر لنا ويعفو عنا

منورني دايما يا عمرو
تحياتي