الاثنين، 4 يناير 2010

قلبـــــي يحتــــــرق ....



منذ زمن لم يكن ببعيد لم يلم النوم بأجفاني
فأصبحت أشعر وكأنني جسد بلا روح
ألهث وألهث وكأني أشرب من ماء البحر المالح
فيزداد عطشي إليك يوماً بعد يوم
ويحترق قلبي كموقد لاتطفئ ناره ولا تهدئ أبداً
فقد كست أرض قلبي الكآبة
وانتزعت من داخلي كل السعادة
يقتلني البعد عنك
كنت أرى قدماي تحترقان بالنار فأتقدم إليها بخطى ثابتة متواصلة ومنتظمة وكأني أسير في بستان
أستعذب قربي منك وقربك مني
قربي منك بروحي وقلبي وكياني
وقربك مني بجسدك وصوتك فقط
أتعطش دائماً لرؤية عيناك وسماع همسات صوتك
وأنا موقنة تماماً أنك لست لي وأنني لست لك
وأعلم أنني لم أهفو أبداً على أبواب قلبك
فأنا إليك كشيء من الأشياء الضئيلة الضعيفة الهشة التي لا تذكر على هامش حياتك
أحترق في الليلة مئات المرات وأنا أراك بخيالي متنقلاً في كل ركن من أركان حياتي
فأصبح قلبي متحفاً للرعب لابتعاد خطواتك عني
وعندما أريد أن أطفئ بعض من نيران قلبي
أركد إلى صورتك التي سقطت منك دون أن تدري
وأحتضنها بقوة وأنا واهمة أنها سوف تهدئ من نيراني فأزداد احتراقاً واحتراقاً

ينساب الدمع من عيني في كل لحظة حتى احترقت جفوني
وأهيم على وجهي بين جبال من الآلام
فيئن جسدي من العذاب
ويضيق صدري كعنق زجاجة نحيلة الفاه
فالنجوم قد ذهب ضياؤها البراق
والشمس والقمر أراهما زابلان
كعيوني البنية الغائمة في دنيا الظلام
وهناك عند شاطئ البحر العريق
أخر مغشيا علي وأفيق لأجد رماله وأمواجه ترتشف ما تبقى من عبقي وجسدي النحيل
فأخر ساجدة... فينتفض جسدي من فرط النحيب
وأفيق لأجد نفسي ألهث وأضيق ذرعاً بالحياة
ويعميني الدوار ويدي تمسك في خذلانها خنجر الموت وسم الانتحار
فكنت زهرة أمل جفت أوراقها وذهب رحيقها ومات أملها ولعك الحزن أحشائها

فاحترقت واحترق قلبها

هناك 58 تعليقًا:

حنين يقول...

السلام عليكم
اوراق الورد
انا اول مره ازور المدونه
ومدونتك جميله ربنا يوفقك
انا جيت بسبب صدفه غريبه
انا لسه منزله حالا بوست
ليله احترق فيها قلب
ولفت نظرى ان الاسم قريب
من اسم البوست بتاعك علشان
كده انا جيت اشوف القلب المحترق
وكلماتك جميله
تحياتى
حنين

حنين يقول...

كويس انى اول مره ازورك
وكمان اكون اول تعليق
دى فرصه سعيده جدا

حنين يقول...

انا لسه منزله البوست حالا
يمكن تكونى اول تعليق
وتكون فعلا صدفه حلوة

شمس النهار يقول...

الكلمات حزينه تصرخ بالالم والعذاب

قويه مكتئبه جدا

وانا بقراها حسيت اني مش عارفه اتنفس

ليه كل اليأس ده

علمتني الدنيا ان..مافيش حد يستاهل ده

اللي بيحصل اننا بيصعب علينا نفسنا مش اكتر

سلامي

مي يقول...

فكنت زهرة أمل جفت أوراقها وذهب رحيقها ومات أملها ولعك الحزن أحشائها

فاحترقت واحترق قلبها

وجعتنى الكلمات اوووووووووووووى برغم انها فوق الروعة بس دخلت جوايا ومزقت قلبى خوفا والما

تسلمى يارب تكونى بخير وانها مجرد خاطرة

العلم نور يقول...

صورة حزينة جدا غاليتي .. مهما قست الأيام وزادت قسوة من حولك .. فيبقى قلبك ينبض بالحب .. فلا تحزني أبداً

تحياتي لك والله يفرج همك .. آمين.

هيثــم رمضـــان يقول...

إزيك يا زهور من فترة كبيرة وإنتي مختفية يارب تكوني بخير , كلماتك مؤثرة جداً جداً مليئة بمشاعر الحزن والآسي ومواقف صعبه جداً فهناك حب شديد بلا أمل يقابله لا شيء من الطرف الأخر فيشتد الحب ويحترق القلب ليتحول الحب من شيء جميل إلي شيء مؤلم.
زهور ..إحساس الكلمات صادق جداً وعلشان كده بتوصل سهله قوي والقاريء بيتأثر بيها جداً لكن برغم كل هذا الحزن وبرغم كل هذا الألم لا يجب الإستسلام إلي هذة الحاله وإلي هذة المشاعر السلبية وبخبرتي المتواضعه في الحياة عايز أقولك إن الأنسان لما بيتعرض لموقف صعب في بداية حياته بيعتقد إنه إنتهي وحياته أصبحت بلا قيمه وبلا طعم وبلا معني ومع مرور الأيام يجد إنه كان مخطيءفي أعتقاده فالظروف تتغير وتتبدل ومستجدات تحدث لم يكن يتوقعها وربما يري لاحقاً أن مشكلته كانت صغيرة لكن وقت حدوثها كانت كبيرة جداً في نظره , أعلم أن الدنيا أحياناً تضيق ولكن إعلمي إن مع العسر يسر ودائماً يأتي فرج الله بعد الكرب والضيق ولابد أن يستفيد الأنسان من تجاربه في حياته المقبله وأيضاً يفيد بها غيره ولابد أن يكون قوياً في مواجهة المواقف والصعوبات حتي لا يقع في أول الطريق ولو علم الأنسان أن الدنيا بما فيها لا تستحق لن يعيرها إهتمام ولن تصبح أكبر همه ولا مبلغ علمه فلتكن نظرتك للحياة أكبر وأعمق وأشمل وتأكدي أن الله يفعل بنا الخير وقد نراه نحن شر ولكننا ندرك فيما بعد بأنه كان خير .

تحياتي وتمنياتي لكِ بالتوفيق

momken يقول...

الله عليكى

موهبتك نضجت جداً وكتبتك اصبحت فى غايه الامتاع

زمان كنت بطالع كلامك واستمتع بيه
لكن دلوقتى انا بتعلم منك ازاى اقدر اعتبر بدقه وحرفيه وفن عما يعترينى

قدرتى تعبرى عن مشاعر اغلباً بيكتب عنها بسرعه علشان ميشعرش الم اللحظه لكن وبمنتهى الهدؤ والاسترسال عبرتى عن حاله مع صعوبتها خلتيها جميله
وهو ده دور المبدع...انه يقدر يعبر عن اصعب الحالات بطريقه جميله جداً

انا معجب بالبوست ده جداً وقريته عده مرات لانه بجد عجبنى
ويعتبر من افضل البوستات الى قريتها مؤخراً

بجد انتى مبدعه جداً

تسلم ايدك


تحياتى

أبو كريم يقول...

الى فى نفسى أقوله هو إن التعبيرات والجمل اللتى إستخدمت رائعه!!!

وأستطيع ان اقول انك نقلت لكل القراء هذا الإحساس بالضيق والكابه التى إعترتك وجعلتنا جميعا نشعر بألم وولع الفراق والتجاهل من شخص لم نعرفه ولم نحبه


دمت ودامت تدويناتك رائعه

واسف على عدم المتابعه فى الفتره السابقه

أبو كريم

نهر الحب يقول...

ابكيتيني

بس

الحــ ــزين يقول...

ينساب الدمع من عيني في كل لحظة حتى احترقت جفوني
وأهيم على وجهي بين جبال من الآلام
فيئن جسدي من العذاب
سيدتى لا بد من ان تحترمى قلبك لآنه أحب وأخلص فى حبه
وما زال ينبضص بهذا الحب
دام الحب لك ودمتى طاغية الاحاسيس

MOHAMMED ELBANNA يقول...

زهور الامل
كلماتك جميله لكنها حزينه وممتلئه بالالم
دمتى مبدعه
تقبلي مروري
محمد البنا
طريق النجاح

romansy يقول...

قاسيه قوى قوى
وصعبه قوى قوى
بس الامل موجود جوانا وزهور االامل هتفضل جوانا مليا الدنيا بقلبها الطيب وعطرها اللى بيملا الدنيا حب فى حب

المسلم الصغير يقول...

السلام عليكم ورحمة الله وبركاته...
حبيبتي اوراق الورد
كلامك جميل قوي بس فيه كميه حزن كتيييييرة قوي بس الدنيا متستاهلش كل دة
دومتي مبدعة دائماً
تحياتي

هيفاء عبده يقول...
أزال المؤلف هذا التعليق.
هيفاء عبده يقول...

اشتقنا لك زهور ..؟ وحشتينا ...

لما كل هذا الحزن غاليتي ....؟
صدقيني لا شيء في هذه الدنيا يستحق كل هذا الألم
نحن نحزن ونبكي ويمتلئ إناء العمر بدموع الاسي .. ولا احد يدرك ما نشعر به

كفكفي دموعك غاليتي ..
والله سيكون معك
دمتي جميلة :)

هيفاء عبده يقول...

علي فكرة زهور ...

الصورة جداً مفزعة .وتقشعر لها الابدان

التدوينة السوداء للعرب يقول...

لو أدت غاليتي المشاركة في التدوينة السوداء للعرب ضد الجدران العازلة للدنيا الفانية .. فأرجوا المرور على المدونة وفي آخرها ستجدي الإيميل

مع التحية الشجرة الأم

الفراغ يقول...

انا بس حبيت اعلق
لان الكلمات اعجبتنى والاحساس رائع
ولكنى اتمنى ان يكون مجرد كتابة وليس ماتعيشين انت فيه
اتمنى لك كل السعاده

اقصوصه يقول...

نقاط ضعف البشر

هي القلوب!

micheal يقول...

عجبني البوست ده أوي..واضح أنك حطيتي إحساسك فيه
تحياتي

إيمان قنديل يقول...

رغم روعة القصيدة وجمالها إلا اتها تذرني بالحب المرهق الذي يتعب القلب وينزع منه الفرح من كثرة القلق والأشتياق وإزدواجية الحبيب وهذا الحب مضني ومعذب لصاحبة

امقت الحب الذي يجعلني حزينة

سمكه واحده يقول...

ياسارق من عيني النوم

جميله اوي يا زهور
بس الصوره صعبه اوي شوكه وفي الجمجمه
كمان لالالا كتير كده
كلامك وتصوريك جميل بس اصوره متعبه اوي
قوليلي صحيح هو ايه اللي في الكاس ده
هه؟ هه؟
اخبارك ايه
انا كمان مع غرام في كلامها
تحياتي

حياتى نغم يقول...

السلام عليكم ورحمة الله وبركاته

حبيبتى زهور هونى عليكِ يارب تكون مجرد تدوينه مش احساس .

دمتِ بكل خير وسلامه .

سلامى وتحياتى .

زهور الامل يقول...

حنين

دي اول زيارة ليكي عندي واجمل زيارة يا حنين
انا اسفة اوي اني مكنتش اول واحدة تعلق عندك لاني نزلت البوست وقومت علطول
بس بجد سعيدة بزيارتك ليا وان شاء الله هرد الزيارة في اول فرصة

منوراني جدا

زهور الامل يقول...

شمس النهار

ازيك يا شموسة

هي فعلا الكلمات مليانة الم وتعب وعذاب وكمان كان جوايا احساس اكبر من كدة بكتير واصعب من كدة بكتير بس مرضيتش اكتبه علشان مكنتش عايزة انكد على الناس اكتر من كدة

وعلى فكرة البوست مجرد خاطرة مش اكتر يعني مش حاجة شخصية
هو اه الالم ده جوايا واكتر منه بكتير بس انا دخلته في قصة حب وعملته بوست

وعلى فكرة في ناس كتير يستاهلوا اننا نحبهم جدا جدا ومش شرط هما حبونا لان الحب مش بايدينا
يمكن هما كويسين اوي بس محسوش بينا بس برضو هنفضل نحبهم ونتعذب بحبهم ده

منوراااااني

زهور الامل يقول...

مي

سلامتك من الوجع يا اجمل مي


متقلقيش يا قمر دي مجرد خاطرة وانا الحمدلله بخير

متشكرة اوي على زيارتك ورايك الجميل

تحياتي

زهور الامل يقول...

هيثم رمضان

ازيك يا استاذ هيثم

اخبارك ايه

انا اهو جيت اهو ورجعت تاني اهو
انا كنت بعدت شوية بس كنت عايزة ارجع لنفسي شوية او اخرج برة نفسي شوية
متقلقش انا كويسة الحمدلله وبخير

والبوست ده نصه خاطره ونصه حقيقي
الالم اللي فيه حقيقي لكن قصة الحب خاطرة
فانا دمجت الالم بقصة حب وعملتهم بوست
بس الحمدلله انا بقيت احسن

لكن بالنسبة للناس اللي حبهم من طرف واحد
فانا متاكدة ان في ناس كتير يستاهلوا بجد اننا نحبهم لكن قلبهم مش شايفنا وده غصب عنهم لان الحب مش بايد حد وبرضو هما يستاهلوا اننا نبكي عليهم

منورني جدا ومتشكرة جدا لسؤالك عليا
ربنا مايحرمنيش من وجودك الجميل ده ابدا

منورني جداااا

زهور الامل يقول...

momken

الله عليكي انت وعلى كلامك الرائع

وكله بتوجيهاتك يا باشا
لولاك كان زماني قفلت المدونة دي من زمان
وجودي فيها ومحاولتي اني اكتب كويس كله بتشجيعك انت وعلشان كمان اكون عند ثقتك فيا

وبعدين مهما اكتب عمري ما هكون واحد على مليون من ابداعك انت وكلامك اللي كل كلمه فيه بتبهرني

يمكن انا كتبت البوست ده كدة علشان كنت حاساه اوي وحاسة كل كلمة فيه بجد

مش معنى كدة علشان انا بحب والحب مبهدلني لا طبعا انتي عارف ان قلبي خالي الحمدلله وشكله هيفضل خالي علطول
بس في ظروف كتير في حياة الانسان ممكن تحول حياته لالم وعذاب بس انا حاولت ادخل قصة حب وسط الالم اللي جوايا واخليهم بوست

ويارب يكون عجبك بجد لانه لو عجبك انا هكون اسعد حد في الدنيا
ومتشكرة اوي على ذوقك وكلامك الجميل ورايك اللي بستناه دايما قبل اي راي
ووجودك اللي بيسعدني حتى لو كان جوايا حزن الدنيا

منورني اوي يا اجمل ممكن عرفته

تحياتي

زهور الامل يقول...

الشجرة الام

انا اسفة جدا اني تخطيتك بس انتي في قلبي دايما والله

انتي عندك حق مادام قلبنا بينبض لسة هيفضل الحب جوانا

انا متشرة اوي لحضورك الرائع عندي ودعوتك الجميلة
وربنا مايحرمنيش من تواجدك ابدا عندي ولا عند غيري

منوراني اوي اوي اوي

تحياتي

زهور الامل يقول...

ابو كريم

والله انت اللي رائع وجميل يا ابو كريم

كنت مفتقدة تعليقاتك ورايك جداا

متشكرة اوي على رايك وذوقك جدا

منورني جدا

تحياتي

زهور الامل يقول...

نهر الحب

بعد الشر عنك من البكاء يا قمر

ربنا يسعدك دايما

منوراني
تحياتي

زهور الامل يقول...

الحزين

ازيك يا محمد

واحشني جدا والله

متشكرة اوي يا محمد على رايك وعلى وجودك

وربنا يسعدك يارب ويجعل حياتك كلها حب في حب

تحياتي

زهور الامل يقول...

mohammed elbanna

ازيك يا محمد
والله انت اللي جميل يا محمد

اهو شوية فرح وشوية الم
ماهي الدنيا مش على حال
ولو كلها فرح هنزهق ولو كلها الم برضو هنزهق
اهو انا بحاول اعمل كوكتييل مرة ازعلكم ومرة افرحكم علشان متزهقوش مني

ربنا مايحرمنيش من تواجدك ابدا يا محمد

تحياتي

زهور الامل يقول...

romansy

ازيك يا احمد
متشكرة اوي على كلامك الجميل يا احمد

يارب ما يحرمني منكم ابدا وافضل علطول موجودة هنا لان هنا انا بعتبره بيتي الاول وليس الثاني

منورني جدا

تحياتي

زهور الامل يقول...

المسلم الصغير

ازيك يا مسلم

فينك من زمان

انا معاك بس برضو انا متاكدة ان في ناس كتير تستاهل اننا نحبهم ونموت عليهم ونتعذب من اجلهم

بس مع الاسف قلبهم محسش بينا بس برضو ده مش ذنبهم

ده ذنب قلوبنا وبرضو قلبونا عندها حق لانهم ناس تستاهل كل خير

منورني اوي يا مسلم

تحياتي

زهور الامل يقول...

هيفاء

ازيك يا هيفاك

والله انتي اللي وحشاني ومشتقالك جدا جدا

متقلقيش عليا يا قمر انا الحمدلله بخير

ادعيلي بس ربنا يصلح حالي ويروق بالي انا وانتي وكل المسلمين
ويبعد عننا الاحزان والالام

ربنا مايحرمنيش من تواجدك ولا عطرك ابدا

منوراني

تحياتي

زهور الامل يقول...

هيفاء

معلش يا هيفاء استحملي الصورة اصلي انا ملقيتش اي صورة تعبر عن اللي جوايا غير دي

منوراني

زهور الامل يقول...

التدوينة السوداء للعرب


حاضر ان شاء الله هلبي دعوتك في اسرع وقت وهكون سعيدة بكدة جدا

ربنا يزيح عننا وعنكم ما نحن فيه
وينصرنا اللهم امين يا رب العالمين

تحياتي

زهور الامل يقول...

الفراغ

وانا سعيدة اوي لمرورك الرائع وتواجدك الجميل

متشكرة اوي على زيارتك الحلوة دي

ولا تقلق انا الحمدلله بخير

وربنا يبعد عننا الاحزان

اللهم امين

تحياتي

زهور الامل يقول...

اقصوصة

فعلا يا اقصوصة قلوبنا هي نقاط ضعفنا

طول ما بنتعامل بعقلنا بنبقى اقوى ناس في العالم لكن لو قلوبنا دخلت في تفكيرنا وتصرفتنا قولي على الدنيا السلام

منوراني

تحياتي

زهور الامل يقول...

micheal


والله يا مايكل كل كلمة انت بتكتبها هي اللي بتعجبني

ومتشكرة اوي على رايك وذوقك ومدواومتك على تشريفك وزيارتك ليا

منورني اوي

تحياتي

زهور الامل يقول...

GHARAM

مش قادرة اوصفلك انا سعيدة قد ايه ومبسوطة قد ايه بوجودك يا مادام ايمان

انا معاكي في رايك
بس نعمل ايه في قلوبنا اللي موديانا في داهية
بتخمنا وبتخلينا نحب غصب عننا

وبتكون سبب المنا وعذابنا وشقائنا

ربنا يجعلنا خاليين القلوب

ومتشكرة اوي اوي على رياك اللي بستفيد منه وكلامك اللي بيمتعني جدا

ويارب تكوني بخير وصحتك تكون احسن ونفسيتك باذن الله

منورااااني

تحياتي

زهور الامل يقول...

سمكة

سموكة حبيبتي

وحشاني جدا

فينك وفين بوستاتك الجميلة

عالم التدوين كله مفتقدك جداااا

اللي في الكاس ده يا ستي عصير ملوخية ههههه اصلهم بيقولوا انها بتسكر واهو بدل ما نغرم ويسكي وبتاع

وانا كمان من رايك انتي وغرام

وانا حطيت الصورة دي علشان اخوفكم واعملكم حبة رعب هههههههههه

منوراني اوي يا سمكة ووحشاني جداا

كل عام وانتي بخير بمناسبة العام الجديد

تحياتي

زهور الامل يقول...

حياتي نغم

وعليكم السلام يا احلى نغم

لا تقلقي فانا بخير مادمت وسط ناس جميلة زيكم

ربنا مايحرمنيش ابدا من تواجدك ولا من تشريفك ليا

منوراااني

تحياتي

صفــــاء يقول...

صديقتى الجميله الرقيقه
التى يوحى أسمها وأسم مدونتها بكل الأمل والتفائل
بينما تشى كلماتها الأن بكل تلك الأحزان
فما أبشع حرقه القلب
وما أشد وطأته وألمه

والنهايه أكثر حزناً تفوح منها رائحه الموت
لكن الحب لا يحمل حزن أو ألم ولا ينتهى بحرقه قلب
رزقك الله حباً يسعد قلبك ويملئه فرح

تحياتى لك

-_- يقول...

والشمس والقمر أراهما زابلان
!!!!!!!

اظنها خطأ مطبعي ؟!!

زهور الامل يقول...

صفاء

صفؤة حبيبتي

منورة المدونة وهلتك كهلة القمر واجمل بشوية

لا تقلقي عليا انا بخير الحمدلله

دي مجرد خاطرة
ربنا يسعدك يارب وتسلمي على الدعوة الجميلة دي

وسعيدة بعطر مرورك اللي بيملئ المدونة

منورااااااااني

زهور الامل يقول...

sharm

هههههههههههههه يعني هي دي الحاجة الوحيدة اللي لفتت نظرك

طب كنا عايزين نعرف رايك في الكلام
حلو ولا وحش ولا نص نص ولا ايه بالظبط

وعلى العموم ياسيدي هي غلطة مطبعية فعلا وماخدتشبالي منها غير بعد ما نزلت البوست
والمفروض تكون ذبول بدلا من زبول

شكرا على هذا التنويه

منورني

تحياتي

ذو الوجه المبتسم يقول...

كلمات معبرة جدا عن مشاعر زوجة حال فقدانها لمشاعر زوجها تجاهها
والنقص لمعانى الاحتواء الكامل التى تتمناه كل امراة بالعالم

ارى انه لابد من اللقاء المباشر والتحدث بكل الموضوعات وتحديد موقف شبه نهائي

بصراحة ما اصعب ان يعيش المرء منا هذه اللحظات

تقبلى تحياتى

عاشق الجنة من الإخوان صلى على النبى يقول...

ايه الجمال ده
اسف علي الغياب بس اعذروني
شكراً علي متابعتك
صلي علي النبي

أنثى من حرير يقول...

كلمات مطرزه من الألم
كوني بسعاده

زهور الامل يقول...

ذو الوجه المبتسم

ازيك يا استاذ ناجي

فعلا هو اصعب احساس في الدنيا انك تحب حد مش حاسس بيك
وعارف الاصعب من كدة ايه لو كان الشخص ده يستاهل الحب ده واكتر منه كمان
لانه مش هيقدر يلاقي فيه عيب يبعد عنه او يوقف حبه ده بيه

منورني جدا

تحياتي

زهور الامل يقول...

عاشق الجنة من الاخوان صلي على النبي

اهلا اهلا
ازيك يا ابو المعتصم

والله انت والمعتصم اللي في منتهى الجمال
ربنا يباركلك فيه
ويارب لعل غيابك يكون خير باذن الله

منورني بوجودك

تحياتي

زهور الامل يقول...

أنثى من حرير

متشكرة جدا لمرورك ووجودك الجميل

ومتشكرة اكتر على دعوتك الجميلة ربنا يسعدك يارب

تحياتي

غير معرف يقول...

ابكتني كلاماتك بحرقه

غير معرف يقول...

وانا كمان بحترق

Unknown يقول...

أيام وعدت