الجمعة، 22 أكتوبر 2010

هيجوزوني.... عاااااااااااااااا


أصدقائي الأعزاء/ المدونين والمدونات



بعد التحية والسلام....



أعتذر للجميع عن غيابي الفترة اللي فاتت وعن عدم متابعتي لمدوناتكم المفضلة لدي وأعلن لكم عن قراري العظيم اللي مأخدتوش بالساهل وهو!!!

قررت الآنسة زهور الأمل الشقية أن تتنازل عن عقدتها الجوازية وتتلم كدة وتخلي عندها شوية من الأحمر وتوافق أنها تتحبس في قفص الزوجية... وتتخلى عن حياة الحرية.. وراحة البال والشقاوة اللي كانت عايشة فيها.. وتبطل تتعب قلب عمكوا الأمل ( اللي هو أبويا يعني) وطنطكم أم زهور المسكينة اللي غلبت واسود طريقها مع مشايخ العفاريت كلهم ( إشي عمكوا زعبلة وإشي عمكوا عفروت وغيرهم وغيرهم... الخ) وتتجوز يوم 11/11 باذن الله وتتحول من آنسة لمدام..

والحمد لله وافقت أختكم زهور الأمل أن يكتب الكتاب ويعلى الجواب وادعولها بقى ربنا يهديها كدة ويهدي سرها ويصلح حالها ومن قدم خير بيداه إلتقاه وهنيالك يا فاعل الخير والثواب عند الله.



وعقبالكم كلكم... اللي متجوزش يتجوز واللي متجوز يتجوز تاني وتالت ورابع وده للرجالة فقط لأن الراجل من حقه أربعة...

والبنات كلهم يتجوزوا وربنا يصلح حالهم ونفرح فيهم ونمشي في جوازاتهم قادر يا كريم قولوا اللهم أمين..



والسلام ختام وليس بيننا ختام



والسلام عليكم ورحمة الله وبركاته



مقدمه لسيادتكم/

من مدينة المنصورة أختكم/

زهور الأمل

هناك 25 تعليقًا:

شوية قهوة يقول...

لللللووووووووووووووووووووووويييييييييي
الف الف الف مبيروك
وحمدالله على السلامة
وربنا يتمملك بخير ويسعدك يا رب

صيدلانيه طالعه نازله يقول...

مبرووووووووووووك يا حبيبتى

اخيرا يا زهور بدأت احس انك مبسوطه وسعيده

ربنا يكمل فرحتك و يتمملك بخير ياااااااارب

طبعا دى مباركه عالماشى كده

و احنا مع بعض دايما و حفضل ابارك لغايه يوم الصباحيه يا قمر

خدى بالك من نفسك و من جوزك وحطيه فى عنيكى

و اقفلى عليه

و كونى له امه يكون لكى عبدا

المتبهدلون في الأرض يقول...

طبعن أنا عرفت قبل البوست
وطبعن عارفة عرفت منين
وكان لازم أبارك ... ألف مبروك يازهور
أو يامدام زهور ...ويارب تملوا المدونة عيال ..اللهم اجمع بينكما في خير

momken يقول...

الف الف مبروك يا عروسه المدونات الرائعه جدا

ربنا يتمم بخير يا زهور

وعقبال مندخل نعلق عند ولادك

زهور الامل الصغنانين


هتعملوا حسابكم فى العشا ولا نجيب معانا شندوتشات

كمان اعزمى كل صحباتك الحلوين
منصوره بقى


خالص التهانى

تحياتى

هيفاء عبده يقول...

الف مبروووك يا احلى زهور
والله يتمم لك على خير ويسعدك يارب
والله فرحت لك كثير

أجمل باقة واعطرها لأحلى عروسة

همسات وبحــ الحياه ــر يقول...

زهوووووووووووورتى واحشانى كتيييير

الف مبرووووووووووووك انا عماله امهد من دلوقتى انى هاجى احضر فرحك
وان شاء الله اجى
ابقى عدى واسألى

سمكه واحده يقول...

الف الف مليون مبروك يا اجمل زهره
وربنا يتمم لك بخير يارب ونقولك يا ام العيال ربنا يجمع بينكم في الخير ويهديه ليكي ويهديكي ليه يارب
معلش بقي سنه الحياه نعمل ايه
ان شاء الله حياتك الجديده كلها سعاده وهنا وراحه بال ويبعد عنك كل زعل او حزن وتملي بيتك فرح وهنا وعيال كتشير كتشير تشدي شعرك منهم واللي تلاقي شهرها منكوش واللي بنطلونه ساقط واللي بتهرش في شعرها وجوزك عماله يزعق وذقنه طويله وبيشرب فنجان القهوه في البلكونه وبيقري الجرنال وانتي لابسه مريله المطبخ وبتسرخي في الواد منعم والبت بهيه والبت سميحه عامله بيبي علي نفسها وحجات كده كتير وانتي محتاسه والخضار شاط علي النار والمكوجي بيخبط عشان ياخد قميص البيه والست ام علاء سقطت علي الغسل وانتي منزله نصك من البلكونه بتشتمي وتحسبني والبت تؤه مسكه في رجلك وشده ديل قميصك المقطع اللي رحته بصل والبيه جوزك (بعلولتك) بيرمي طفي السجاير علي السجاده وحاطط رجل علي رجل ببنطلون البيجامه الكاروه اصلك نسيتي تغلسي البيجامه المقلمه اللي كنتي جيبهاله في الصبحيه هي والروب والشوبشوب وهو قاعد حافي والواد برعي ماسك علبه الاولن الخشب نازل نقش علي الحطيه بينمي هوايته والواد سيد عماله يلعب بالكوره وقع الفازه
بس كفايه
ها هتجوزي؟؟؟؟؟؟؟؟؟
لسه بردو؟؟؟؟؟؟؟
هههههههههههههههههه
ربنا يكرمك يا انسه زهور
وتبقي مدام ااااااااد الدنيا
الف الف مبروك
بس خلاص

باحث عن حب يقول...

ألف مبروك بارك الله لكما وبارك عليكما وجمع بينكما في خير يارب يسهل لك الصعب يارب

شمس النهار يقول...

الفففففف
مبررررروك

ولو كل الغياب يعقبه اخبار سعيدة كده
يارب كل بنات البلوجر يغيبوا ويرجعوا بخبر حلو كده


بسسسسسس
يرجعوا مش يتجوزوا
ويطلقوا البلوجر
:))))))

ربنا يسعدك
:)

أتنين حبيبين يقول...

الف مبروك يا حبيبتى ربنا يتمم على الف خير ويسترها معاكى يارب
ويتمم على الف خير حبيبتى انا
تمنياتى ليكى بالسعاده والتوفيق

توتا

غير معرف يقول...

مبروووووووك
جامد اوى
عووووووووو

كلمات من نور يقول...

مبروك يا فتاتي الحلوة ......أنا قلت أجي من عند سمكة واحدة ابارك بنفسي ..بارك الله لكما وجمع بينكما بالخير ووهبكم ذرية صالحة بإذنه و أمره ...أسال الله لنا دوام التواصل

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

مدحت محمد يقول...

مبروك يازهور وربنا يتمم بخير وةكل سنة وانتى طيبة

Rosie يقول...

ألف ألف مبرووووك يا زهو...إن شاء الله تعيشى فى سعادة
happily ever after
ربنا يوفقك..أنا شدنى العنواان و فتحت مخصوص عشان أشوف مع إنى بقالى فترة برده بعيد عن المدونات..

الست فرويد يقول...

مبروك يا احلى الزهرات

معلش متاخرة شوية :)

ربنا يسعدك يارب ويخلى ايامك كلها فرح

وحشتينى جدا على فكرة :))

مع كل حبى يا قمر

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

♥نبع الغرام♥♪≈ يقول...

حبيبتى

حبيبتى

الف مليوووووووووووووون مبرووووووووووك

بجد فرحت ليكى اوى
ربنا يتمم عليكى السعاده على طول

ومبسوطه انك اول ما رجعتى مدونتك جيتى عليا على طول وشاركتينى بالفرح

يارب ايامك تكون كلها فرح وسعاده

بحبك اووووووووووووى

ايناس

غير معرف يقول...

ثقافة الهزيمة .. العتبة الخضراء

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى www.ouregypt.us

a7med-Mado يقول...

مبرووووووووووووووووووووووك

غير معرف يقول...

ثقافة الهزيمة .. مغامرات البقرة الضاحكة

ما قصة لوسي أرتين؟
ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.

هل قصر الرئاسة كان يدار بهذه الطريقة؟
- القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .

هي سوزان كانت بتحس بالغلط اللي كان بيعمله الرئيس؟
- هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب

ھل تزوج علیھا؟
-لا ھو مش محتاج یتجوز .. البركة في زكریا عزمي وجمال عبدالعزیز. …باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

Unknown يقول...

الف مبروك
وسلام مربع

أبو كريم يقول...

مبروك ولونها جت متأخرة جدا

المتبهدلون في الأرض يقول...

إيه النور ده ..
طبعاً فرحت لما لقيت حد من المخضرمين لسه عالبلوجر
متشكر لزيارتك وزي مافرحتني ,عندي خبر طازه شور هيسعدك :اتصلي بسمكة وهي تفجئك بنفسها..!!

Unknown يقول...


thx

شركه تنظيف