الخميس، 28 مايو 2009


وداعاً ..... يا حلم العمر

لم أكن أتخيل أن قلبي من الممكن أن ينبض مرة أخرى.

ولم أكن أحسب أنه سيأتي يوما من يختطفه مني في لحظة
كل ما بداخلي ينبض باسمه..... يناديه ..... يستحلفه أن يظل بجواري على الدوام
أحببتك ؟؟؟
نعم أحببتك...فمحال أن يكون كل ما بداخلي زيف
احساس غريب يحتويني ! أشعر به عندما أكون معك
لست بحاجة للمسات يديك لتداعب يدي..... فنظراتك وكلماتك تداعب قلبي عندما أنظر إلى عينيك

فأنت الأسطورة التي يتناقلها الناس منذ آلاف السنين
وأنت الأسطورة التي سيتحدث عنها العشاق بعد آلاف السنين
انت ربيع الحياة.... وانت شمس الكون..... وأنت القمر الذي يبدد ظلمة حياتي
فبدونك يا عمري لا ربيع ولا شمس ولا قمر
أحببت تلك العيون... وتمنيت لو سيرت في متاهاتها طوال حياتي
تمنيت لو قابلتك من زمن... منذ كنت ورقة بيضاء لم يسطر عليها غيرك أي حروف
لم تشوهها الايام والسنون والتجارب......
قراري أن أبتعد عنك!!!
نعم فمشاعري الآن تندفع في أقصى سرعة لها ولا بد أن اوقفها
ولا بد أن تعلم أن مرورك في حياتي ليس مروراً عابراً
إنه أجمل وشم سيظل قلبي يحتفظ به.... سأبتعد.... لأني أخشى مما هو الخطر
أخشى من جرح جديد....أخشى من أن نفشل في تحقيق أمانينا التي حلمنا بها
أخشى أن يصير حينا الرائع اعتيادياً فيفقد روعته وتفرده
وقتها سأنهار يا أغلى الناس ويا اغلى من نفسي
فوداعاً!!!
وداعاً يا اجمل نبضة حقيقية مست قلبي وكل ما بعدها زيف وخداع
وداعاً يا اجمل حلم ظننته أبدي
وداعاً يا ماضي الحاضر وحاضري الماضي
وداعاً يا أول أخر الأحباب
وداعاً

هناك 13 تعليقًا:

momken يقول...

روعه جميله اوى يا نونو

انتى فعلا حد حساس ومشاعرك جميله اوى

وبتقدرى تستخدمى قلمك ببراعه ورقى ورقه جميله

تسلك ايدك اول بوست عندك روعه

ويستحق اننا نقف عنده وقفه طويله وفكر ونستمتع بكل حرف فيه


تسلم ايدك


تحياتى

Che يقول...

احاسيس رقيقه قدرتى تعبرى عنها بجمال
مبروك اول بوست

سمكه واحده يقول...

اذيك يازهور
انا ياستي اسعد انك شرفتيني وزورتي مدوتني اللي خلتيني اعرف مدونتك الجميله في اول بوست جميل وان شاء الله مستين بوستات اجمل واجمل

نيجي بقي للبوست
عجبني اوي
لست بحاجة للمسات يديك لتداعب يدي..... فنظراتك
وكلماتك تداعب قلبي عندما أنظر إلى عينيك)
فأنت الاسطوره التي يتناقلها الناس منذ الاف السنين
وانت الاسطوره التي سيتحدث عنها العشاق بعد الاف السنين
وبعدها بقي انت وانت وانت القلبو الكبير
واخده بالك
بس في حاجه
(وداعا يا اجمل نبضه حقيقيه) لسبب
ان كل مرحله في حياتنا بنقول
بس عندك هو ده بس مفيش غيرو ده الحقيقي والباقي مزيف وكل مرحلها بنكبر وتختلف وتفكرنا بيختلف وبيشمل حجات كتير وعقلنا بيكبر والظروف والجوابات منقدرش نحكم ليه بقي ممكن طول ما الواحد عايش بيشوف وبيتعلم وبيقابل ناس بيفكر ان مفيش افضل منهم ونعتقد في ذلك لصغر عقلنا وتفكرناطبعا حسب المرحله العمريه منقدرش نجزم ان هو ده الافضل لسه
طول ما الواحد عايش بيقابل ناس
وبيتعلم ويبلاقي الافضل
بس اسلوبك رائع وكلماتك
اتمني لك التوفيق
مستيني الجديد علي طول متنميش بقي
تحياتي

زهور الامل يقول...

ممكن
والله انت اللي جميل وأنا بعتز بيك جداً وبصادقتك الجميلة اللي بتمنى انها تدوم على طول العمر
والله لولاك انت ولولا تشجيعك ليا انا ما كنت عرفت المدونات ولا دخلت عالم المدونات ده خالص
انت اللي شجعتني اني اكتب كلام مكنتش عارفة انه موجود جوايا
بس كلامي ده مايجيش واحد على عشرة من كلامك انت واسلوبك الرائع وأفكارك اللي بتبهرني
انا بجد مدينة ليك اوي
ويارب أكون عند حسن ظنك بيا
وسعيدة اوي اوي اوي انك اول واحد علقتلي على المدونة بتاعتي
تحياتي لأجمل ممكن في الدنيا

زهور الامل يقول...

che

مش عارفة اشكرك ازاي على زيارتك ليا
انا متشكرة اوي
والله يبارك فيك ويارب تزورني دايما
تحياتي

زهور الامل يقول...

سمكة

ازيك يا سموكة يا قمر
على فكرة انا بحب السمك جدا وانتي كمان خلتيني احبه اكتر
انا عارفة انك مش تعرفيني بس انا اعرفك كويس من خلال مدونتك الرائعة اللذيذة وعرفتها عن طريق ممكن ربنا يخليه
وانا سعيدة بكلامك ورايك في البوست بتاعي وكمان نقدك افادني جدا
بس عارفة الدبة اللي بتحب ابنها اوي وخنقته من كتر حبها ليه اهي البطلة بتاعتي عملت كدة
من كتر الحب اللي جواها خافت تنجرح والجرح يموتها فانتحرت هيا بنفسها وبعدت عن حبيبها
وانا معاكي اننا كل لما بنكبر افكارنا بتكبر معانا وبتتغير
بس ساعات الحب اللحقيقي والانسان اللي بتتمنيه يكون معاكي مدى الحياة مابيجيش غير مرة واحدة بس
ربنا يجعل كل حياتك حب وهنا باذن الله
وانا سعيدة اوي انك شرفتيني
وان شاء الله اكون عند حسن ظنك
تحياتي

سمكه واحده يقول...

انا يشرفني اني اعرفك والله يا جميل وانتي بتحبي السمك انا كمان هحبه عشان خاطرك ههههههههه وطلما ياستي من طرف سي ممكن ده علي رسنا من فوق ده اخ عزيز وغالي امال ايه ربنا يبارك فيه والله يخليكي علي المجامله الرقيقه دي

نيجي بقي للبوست انا مش بجامل لا بجد اسلوبك عجبني لكن نقد؟ انا مقدرش انقدك ياجميل انا فاهه اللي انتي بتقوليه عندك حق واي حد بيحب حد اوي يخاف ينجرح فبيبعد ده صح انا معاكي فيه او علي الاقل عشان ميضعش منه بيفضل يبقي من بعيد لبعيد
زي بظبط الكلام ده
البعض نحبهم ولكن لا نقترب منهم فهم في البعد احلي وهم في البعد ارقي وهم في البعد اغلي بل وهم في البعد اقرب ومن الافضل لنا ولهم ان تبقي الابواب بيننا وبينهم مغلقه حتي لا نفقدهم والبعض نحبهم لكن بيننا وبين انفسنا فنصمت برغم الم الصمت فلا نهاجر بحبهم!

لكن انا اقصد ان كل ما بنكبر كل تفكرنا ما بيختلف وبنبص للمور بوجه تاني خالص وسعات نضحك علي نفسنا
بس تعرفي بقي ان زي ما بتقولي الحب الحقيقي مش بيجي غير مره واحده سألتي نفسك بيجي امتي او بتعرفي ازاي؟
ممكن بعد فتره من الزمن او بعد ما بيروح اصلا
بصي ياستي خليني اتفلسف شوةيتين واتلامض حبه مهو المدونه لسه جديده بقي ومش زحمه برحتي
خدي عندك
عندما نراجع حياتنا نجد ان اجمل ما حدث لنا كان مصادفه
ايه الحلاوه ديس يابت ياسمكه
اعذري اختك بقي رغايه شويه
تحياتي يا جميل وربنا يسعدك وبشكرك علي الدعوه الجميله دي
يارب انا وانتي اللهم امين

صفــــاء يقول...

زهور الامل
أسم جميل لصاحبه احساس اجمل
لكن لما هذا الفراق الصعب والمؤلم
وصفك رقيق جدا
وسردك راقى وشفاف
سعيدة انى عرفتك وزورتك

تحياتى لك

زهور الامل يقول...

والله يا سموكة انا اللي يشرفني جدا اني عرفتك وانك قبلتي دعوتي وجيتي شرفتيني وزورتي مدونتي
وكمان كلامك كله في محله وينفع بوست رائع
وياقمر انتي تتكلمي براحتك وزي ما انتي عايزة ده البيت بيتك وانا عندك ضيفة وشوفي بقى هتشربيني ايه
منوراني

زهور الامل يقول...

متشكرة اوي يا صفاء على كلامك الجميل ده ويارب اكون عند حسن ظنك
وبجد كلامك ده كتير عليا اوي
انا مش رومانسية اوي كدة ده انا مفترية ومحدش قدر عليا
انتي بجد نورتيني وشرفتيني

اسراء نايف يقول...

رااااااااااائع يا زهور
والله احزنتيني وكانت هتخليني اعيط من حزن وروعه كلماتها
بجد تسلم ايدك

شريكة في المطعم يقول...

كلماتك جميلة جدا ..ومعبرة اوي
احلى جزء هو اخرها...
تسلم ايديكي ..

ذو الوجه المبتسم يقول...

السلام عليكم

بجد الكلمات والمعانى والاحاسيس رائعة

تحياتى